Marys Bežar

Viadomy francuski chareohraf Marys Bežar pamior va ŭzroście 80 hadoŭ u adnoj z bolnicaŭ Švajcaryi, paviedamlajuć zamiežnyja ŚMI sa spasyłkaj na Lazanski balet, jakim jon kiravaŭ ciaham 20‑ci hadoŭ.

Jon byŭ samym niespakojnym i ŭžo dakładna samym kreatyŭnym baletmajstram minułaha stahodździa, staviŭ spektakli da samaje śmierci, pracavaŭ u repetycyjnaj zali, nie ŭstajučy ź invalidnaha vazka.

Skazać pra kahości «žyvaja lehienda» — značyć paŭtarycca ŭ tysiačny raz. Ale kali havorka viadziecca pra Marysa Bežara, štampaŭ nie isnuje. Pieraacanić jahonaje miesca i ŭpłyŭ u suśvietnaj chareahrafii niemahčyma.

Syn marselskaha prafesara filazofii sam byŭ filozafam. I jašče kulturolaham, jaki zamiest manahrafij staviŭ balety, u jakich kultury ŭsich narodaŭ źbiralisia na siabroŭskija hutarki.

Bežar rabiŭ spektakli pra Francuskuju revalucyju i siaredniaviečnaha Petrarku, pra Zaratustru i bratoŭ Lumjer.

Jon razvažaŭ tancam pra maci Terezu i Fredzi Merkiury. U balecie pra Fredzi Merkiury «Dom śviatara» Bežar zaŭsiody vychodziŭ na scenu sa svaimi artystami i pad huki «Šoŭ musić praciahvacca», uskidvaŭ kułak uvierch i z hłybi sceny nastupaŭ na publiku.

Jon zrabiŭ dla baleta nadzvyčaj mnoha…

Na minułym tydni Marys Bežar užo ŭ druhi raz za apošni miesiac byŭ špitalizvany z zachvorvańniem serca i nyrak. U noč na čaćvier u vieku 80 hadoŭ pamior.

gazeta.ru

Клас
0
Панылы сорам
0
Ха-ха
0
Ого
0
Сумна
0
Абуральна
0