Da 2018 hoda ŭrad Vialikabrytanii źbirajecca pabudavać pieršy nacyjanalny kasmadrom.

Jak piša vydańnie The Guardian sa spasyłkaj na krynicy ŭ brytanskim uradzie, kasmadrom budzie pryznačany dla kamiercyjnaha vykarystańnia, u pryvatnaści dla adpraŭki turystaŭ na kalaziamnuju arbitu.

U jakaści placovak dla raźmiaščeńnia kasmadroma brytancy razhladajuć vosiem terytoryj, siarod ich prysutničaje i poŭnač Šatłandyi, jaki, adnak, moža być vyklučany sa śpisu ŭ vypadku abviaščeńnia Šatłandyjaj niezaležnaści pa vynikach refierendumu 18 vierasienia 2018 hoda.

Nazvu dla kasmadroma płanujecca apublikavać padčas avijasałona ŭ Farnbara 15 lipienia 2014 h. U jaho budaŭnictvie i ekspłuatacyi, jak miarkujecca, buduć brać udzieł brytanskaja kampanija Virgin Galactic i amierykanskaja firma XCOR. Košt pasłuh Virgin Galactic pa zapusku turysta ŭ kosmas aceńvajecca ŭ 200 tysiač dołaraŭ z čałavieka, jaki na praciahu 2,5 hadzin ablacić Ziamlu pa kruhavoj arbicie.

Taksama brytanski ŭrad invieściravaŭ kala sta miljonaŭ dalaraŭ u stvareńnie samalota Skylon, jakaja ažyćciaŭlaje palot nižej za liniju Karmana (miaža pamiž atmaśfieraj Ziamli i kosmasam, jakaja znachodzicca na vyšyni kala 100 kiłamietraŭ nad uzroŭniem mora) i zdolnaha dastavić za dźvie hadziny pasažyraŭ ź Vialikabrytanii ŭ Aŭstraliju. Zaraz heta zajmaje amal u dziesiać razoŭ bolš času.

Urad Devida Kemierana prykładaje namahańni pa adnaŭleńni svajoj kaśmičnaj prahramy, zhornutaj bolš za 40 hadoŭ tamu. U ciapierašni čas brytanskija spadarožniki zapuskajucca ŭ asnoŭnym z rasijskich i amierykanskich kasmadromaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?