Barysaŭski BATE startavaŭ u novym rozyhryšy Lihi čempijonaŭ. Supiernikam biełarusam trapiŭ ałbanski kłub «Skienderbieu» z horada Korčy. Barysaŭcy zaraz nie ŭ najlepšaj formie, u čempijanacie kamanda sastupiła lidarstva minskamu «Dynama». Jasna, što ŭ takoj situacyi luby kankurent razhladajecca jak niebiaśpiečny. A tym bolš zrazumiełaja letašniaja paraza ad karahandzinskaha «Šachciora».

Kali paraŭnoŭvać ałbancaŭ z kazachami, to «Šachcior» letaś vyhladaŭ usio ž macniej. Ci navat mahutniej, bo ŭ kamandzie byli sabranyja vielmi rosłyja i fizična raźvityja futbalisty.

Heta byŭ pieršy matč biełaruskaj kamandy na novieńkaj «Barysaŭ-Arenie». Hledačy adpłacili kamandzie ŭdziačnaściu. Na sustrečy prysutničaŭ 12671 hladač – rekord stadyjona.

Na hulni byŭ staršynia minskaha abłvykankama Siamion Šapira. Kali dyktar abviaščaŭ ab jaho prysutnaści, na arenie pačuŭsia niezadavoleny śvist sotniaŭ čałaviek.

Što da hulni BATE, to, na žal, spraŭdzilisia najbolš piesiemistyčnyja prahnozy. Asabliva ŭ pieršym tajmie. Katastrafična brakavała vastryni ŭ atacy. Napadajučy Vital Radzivonaŭ, zdajecca, nivodnaha razu nie zmoh začapicca za miač. Mikałaj Sihnievič kolki razoŭ efiektna šturchaŭsia, ale da niebiaśpieki heta nie pryvodziła. Niekalki razoŭ niakiepska da miača prykładaŭsia Siarhiej Kryviec, ale bramnik «Skienderbieu», vyhladała, biez asablivych ciažkaściaŭ spraŭlaŭsia z udarami.

U takich umovach samy niebiaśpiečny momant pieršaha tajma stvaryli jakraz bałkanskija futbalisty. Chvostki ŭdar Arelesi z-za miežaŭ štrafnoj barysaŭski bramnik Černik efiektna pieravioŭ na vuhłavy.

Na druhi tajm barysaŭcy vyjšli ŭ lepšym nastroi. Faktyčna, jany nie vypuskali supiernikaŭ na svaju pałovu pola. «Skienderbieu» tak i nie pravioŭ nivodnaj uciamnaj ataki. Zrešty, i ŭ BATE mała što atrymlivałasia napieradzie. A kali čas niaŭmolna poŭz da skančeńnia sustrečy, ałbancy nie saromielisia lišnija siekundy pavalacca na poli.

Užo na apošniaj chvilinie asnoŭnaha času Vital Radzivonaŭ upuściŭ čysty vychad adzin na adzin z varatarom, miač na paru santymietraŭ raźminuŭsia z dalokaj štanhaj. Heta byŭ samy realny momant barysaŭcaŭ u hulni. Matč tak i skončyŭsia nulavoj ničyjoj.

Praz tydzień u Korčy BATE budzie vielmi składana.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?