Były palitviazień Aleś Bialacki, jaki vyzvaliŭsia pa amnistyi 21 červienia, źbirajecca brać udzieł u prezidenckaj kampanii 2015 hoda vyklučna jak pravaabaronca.

Pra heta jon zajaviŭ siońnia padčas anłajn-kanfierencyi na sajcie internet-haziety Naviny.by.

Bialacki zaznačyŭ, što pavodle biełaruskich zakonaŭ jon nie maje prava bałatavacca na pasadu prezidenta, tamu što naradziŭsia ŭ inšaj krainie — Rasii. 

Na dumku Bialackaha, adna z samych hałoŭnych zadač biełaruskaha hramadstva — damahčysia spraviadlivych vybaraŭ. «Udasca heta nam ci nie, ad hetaha zaležyć naša budučaje žyćcio», — dadaŭ jon. 

«Praces vybaraŭ u nas supravadžajecca masavymi parušeńniami zakanadaŭstva, i naša zadača — adsočvać hetyja parušeńni, pryciahvać uvahu biełaruskich uład, našaj i mižnarodnaj hramadskaści, dabivacca spraviadlivaści», — skazaŭ były palitviazień. 

Pavodle słoŭ Bialackaha, pracy dla pravaabaroncaŭ u Biełarusi šmat, tamu što «asnoŭnyja prablemy — z zachavańniem dziaržaŭnaści, niezaležnaści, raźvitaj ekanomikaj, demakratyjaj i pravami čałavieka — nie vyrašanyja». Hałoŭnym kirunkam svajoj pravaabarončaj dziejnaści były palitviazień bačyć «abaronu hramadzianskich i palityčnych pravoŭ». 

Kamientujučy sprečki ab metazhodnaści ŭdziełu apazicyi ŭ vybarach, Bialacki zaznačyŭ:

«Z adnaho boku, vybaraŭ, jak samoj pracedury, nie isnuje. Brać udzieł u hetym šou i naiŭna spadziavacca na toje, što ty možaš damahčysia niejkich sapraŭdnych ličbaŭ na hetych vybarach, nie davodzicca.

Ale razhladać vybarčuju kampaniju jak hramadskuju, kab danieści svajo słova da ludziej, moža, sens i jość». 

Na dumku pravaabaroncy, mahčymy ŭdzieł abo niaŭdzieł u vybarach «treba abmiarkoŭvać miram, zychodziačy z kankretnych realij, kankretnaj situacyi». «Na siońnia, jak mnie bačycca, kampanija 2015 hoda nie daje pierśpiektyŭ dla biełaruskaha hramadstva, kab pierałamać hetu situacyju ŭ niejkaje spraviadlivaje rečyšča», — miarkuje Bialacki. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?