Kab vyratavać 13-hadovaha azierbajdžanca Ali Vielijeva, siamja pajšła va-bank: raspradali ŭsiu majomaść, uziali kredyt i vypravilisia ŭ našu krainu.

«My žyli ŭ Baku, u siamji było troje dziaciej. U červieni 2011-ha ja zaŭvažyła, što syn strašenna schudnieŭ, straciŭ apietyt», — Machsaci Vielijeva, maci chvoraha chłopčyka, raspaviadaje, jak u ich dom pryjšła biada.

«Na nazie ŭ syna źjaviłasia dziŭnaja vysypka, — praciahvaje svoj sumny apovied Machsaci. — Akazałasia, heta strašnaja chvaroba — vostry limfabłastny lejkoz. U Baku nam nie davali nijakich šancaŭ. Znajomyja raskazali, što z takim ža vypadkam mohuć vylečyć u Biełarusi. My sabrali pa svajakach niejkija hrošy, raspradali ŭpryhožvańni, za dva dni pradali trochpakajoŭku ŭ centry Baku, uziali kredyt i vypravilisia ŭ Biełaruś. Na toj momant u nas było kala 70 tysiač dołaraŭ».

U ankałahičnym centry Vielijevym paćvierdzili, što šanc na ratunak jość. Ale zdavałasia b ahromistaja suma hrošaj chutka skončyłasia. Utvaryłasia zapazyčanaść u 25 tysiač dołaraŭ.

Ich dapamahła sabrać televiadučaja Tamara Lisickaja, jakaja dapamahaje ciažka chvorym dzieciam. Ale praz šeść miesiacaŭ zdaryŭsia recydyŭ. Kali paśla dvuch kursaŭ chimijaterapii znoŭ zdarycca remisija, treba budzie abaviazkova rabić apieracyju pa transpłantacyi. Daktary skazali, što ŭ jaho paškodžany kaściavy mozh.

A donaram mahła stać maleńkaja dačka Vielijevych. «U tym liku i dla hetaha nam i paraili jaje naradzić. Ale jana vielmi maleńkaja — 12 kh. važyć, dla jaje heta pakul vielmi ryzykoŭna», — raskazvaje Machsaci Vielijeva.

Uratavańnie žyćcia Ali Vielijeva kaštuje ciapier 150 tysiač dołaraŭ. Pradavać siamji ŭžo niama čaho. A biełaruskija vałanciory hetym razam naźbirali dla Ali tolki 5 tysiač.

«Prostyja azierbajdžancy, jakija žyvuć u Biełarusi i Maskvie, nam dapamahali. Taksama dapamahaje vielmi šmat biełarusaŭ. Ale sabrać takuju sumu!» — kaža mama Ali.

Žančyna spadziajecca dastukacca da žonki prezidenta Azierbajdžana Miechryban Alijevaj.

Pabačyć samoha Ali nie možam. Paśla čarhovaha kursu chimijaterapii jon lažyć u boksie, i lubaja drobnaja infiekcyja moža spracavać, jak śmiarotny streł z harmaty.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?