Tender na pastaŭku abstalavańnia dla budaŭnictva biełaruskaj AES budzie abjaŭleny da kanca 2008 hoda. Pra heta paviedamiŭ 15 listapada na sieminary ŭ Abjadnanym instytucie enierhietyčnych i jadziernych daśledavańniaŭ «Sosny» Nacyjanalnaj akademii navuk Biełarusi (NANB) namieśnik dyrektara RUP «BiełNDPIenierhapram» Uładzimir Babroŭ.

Pavodle jaho słoŭ, mahčyma, pieravaha budzie addadziena Rasijskaj Fiederacyi.

Hetaje mierkavańnie paćvierdziŭ namieśnik staršyni prezidyuma NANB Uładzimir Cimašpolski.

«My ŭpeŭnieny na 99%, što partnioram pa budaŭnictvie atamnaj elektrastancyi ŭ Biełarusi budzie Rasija», — zajaviŭ U.Cimašpolski.

Pavodle jaho słoŭ, u liku asnoŭnych patencyjalnych pastaŭščykoŭ abstalavańnia dla AES razhladajucca amierykana‑iaponskaja kampanija «Viestynhchaŭs‑Tošyba», franka‑hiermanskaja «Areva» i rasijskaja «Atambudekspart». Na dumku namieśnika kiraŭnika NANB, pa technika‑ekanamičnych paramietrach rasijskaje abstalavańnie nie sastupaje dvum inšym vytvorcam, pry hetym jano bolš tannaje.

«Akramia taho, pry vybary rasijskich pastaŭščykoŭ my budziem mieć ahulnaść movy i technałohij, mahčymaść u miežach sajuznaj dziaržavy atrymlivać kredyty, rychtavać śpiecyjalistaŭ u rasijskich VNU», — dadaŭ Cimašpolski.

Akramia inšaha, firma «Areva» apošnim časam vypuskaje reaktary treciaha pakaleńnia mahutnaściu 1.600 miehavat, a biełaruskaj AES takija mahutnyja reaktary nie patrebny.

U hutarcy z karespandentam BiełaPAN namieśnik hienieralnaha dyrektara instytuta «Sosny» Mikałaj Hruša nie vyklučyŭ varyjanta ŭdziełu ŭ tendery tolki adnoj kampanii — rasijskaha «Atambudekspartu». Heta, na jaho dumku, tłumačycca palityčnymi pryčynami. «Źniešniepalityčnyja adnosiny Biełarusi z ZŠA (a ŭ farvatery hetaj palityki idzie i Francyja) mohuć vyklikać peŭnyja ciažkaści pa terminach realizacyi prajekta», — skazaŭ jon.

Pry hetym M. Hruša padkreśliŭ, što rasijskaje jadziernaje abstalavańnie pa techničnych charaktarystykach «nijak nie horšaje, a pa niekatorych paramietrach navat i lepšaje», čym u astatnich udzielnikaŭ hetaha rynku.

BiełaPAN

Клас
0
Панылы сорам
0
Ха-ха
0
Ого
0
Сумна
0
Абуральна
0