Uračystaść u sadzie: Dramaturhija biełaruskaj emihracyi XX st. — Minsk, Miedysont, 2007. — 536 s. — (Biblijateka Baćkaŭščyny; kn. 14)

U zborniku źmieščanyja nastupnyja tvory: Antoś Halina (Michaś Mickievič) «U śviet», P. Źnič (Piotra Krečeŭski) «Zdrada», Aŭhien Kavaleŭski «Lichadziejka», niekalki rečaŭ Janki Juchnaŭca, u tym liku narys «Uračystaść u sadzie», drama dla čytańnia Lavona Jureviča «Sakret Antona Adamoviča».

Vydrukavanaja taksama pjesa Kastusia Akuły «Tarakany ŭ saładusie», napisanaja ŭ 1957 h. Bahata chto z emihracyjnych dziejačaŭ pakryŭdziŭsia na aŭtara paśla vychadu tvoru, a słovazłučeńnie «tarakany ŭ saładusie» stała nazoŭnym.

Źmieščany ŭ zborniku i kazačnaja drama nobeleŭskaha laŭreata 1912 h.. patryjarcha niamieckaj litaratury Hiercharda Haŭptmana «Zatonuty zvon» u pierakładzie Natalli Arsieńnievaj. Kazka, miž inšym, staviłasia na scenie mienskaha haradzkoha teatra padčas niamieckaj akupacyi, jak, zrešty, i «Lasnoje voziera» i «Usiasłaŭ Čaradziej» Arsieńnievaj, što taksama ŭvajšli ŭ hetuju knihu.

Pradmovu da «Ŭračystaści ŭ sadzie» napisaŭ Vankarem Nikifarovič (Čykaha), a ŭ Dadatku pryvodziacca artykuł Ł. Jureviča: «Biełaruski teatar i dramaturhija na emihracyi», a taksama biblijahrafija artykułaŭ pra teatar i dramaturhiju, jakija drukavalisia ŭ hazetach «Biełarus» i «Baćkaŭščyna».

U afarmleńni vokładki vykarystanyja repradukcyi karcinaŭ Janki Juchnaŭca

14‑ia kniha ŭ seryi «Biblijateka Baćkaŭščyny» vypuščanaja sumiesna ź BINIMam.

Zbornik «Uračystaść u sadzie» šukajcie ŭ najbujniejšych mienskich kniharniach abo niezaležnych "punktach raspaŭsiudu", napr., na knihi.net

Uł. inf.

Клас
0
Панылы сорам
0
Ха-ха
0
Ого
0
Сумна
0
Абуральна
0