Juraś Bieleńki

Namieśnik staršyni Kanservatyŭna‑chryścijanskaj partyi BNF Juraś Bieleńki kamentuje mierkavany źjezd Partyi BNF.

— Usie tyja ludzi, jakija ŭvachodziać u Partyju BNF, — jany stajać na pazicyi prahmatyzmu i zajavili pra heta jašče ŭ 1999 hodzie, — kaža jon. — Ich płatforma dymietralna supraćlehłaja toj, na jakoj uźnik Biełaruski Narodny Front. Tady ž, u 89‑m hodzie była pryniata navat śpiecyjalnaja ŭchvała, jakaja nazyvałasia «Suprać tatalitarnaha prahmatyzmu». Ale praź dziesiać hadoŭ znajšlisia ludzi, jakija abviaścili jaje svajoj kancepcyjaj dla svajoj palityčnaj dziejnaści. I my nazirajem hety prahmatyzm, hetyja pachody na «banhałorskaje bałota» z kamunistami pad čyrvonymi ściahami. Tut niama pryncypaŭ i razborlivaści.

[heta] sproba častkova prykryć svaje pachody na Banhałor

Heta arhanizacyja, jakaja z punktu hledžańnia tych ideałaŭ, na jakich uźnik Front, nie maje da hetych ideałaŭ anijakaha dačynieńnia. Toje, što ŭłady nasuprać dziejučaha zakanadaŭstva paśla taho, jak była zarehistravana naša partyja, zarehistravali i Partyju BNF, heta havoryć, što heta jość za arhanizacyja. Vy pahladzicie! Lubyja mierapryjemstvy, jakija pravodzić režym, — toj ža niezakonny refierendum, — jany padtrymlivajuć i iduć na ich. Choć usim viadoma, što mierapryjemstvy sfalsifikujuć. Pamiatajecie vykazvańnie spadaryni Jarmošynaj, jakaja skazała: «Pahladzicie, navat Biełaruski Narodny Front zaklikaje iści na hety refierendum»? Dla nas Partyja BNF — heta arhanizacyja, jakaja adyjšła ad nacyjanalnaj idei. Samo praviadzieńnie źjezda, na moj pohlad, pijar‑kampanija, jakuju jany robiać i sproba častkova prykryć svaje pachody na Banhałor. Nie bolš taho.

— A ci byli niejkija sproby z vašaha boku sieści za stoł pieramovaŭ z Partyjaj BNF?

…iany ŭnačy ŭzłamali Upravu, jakuju ŭ svoj čas Zianon Paźniak sa svajoj žonkaj Halinaj ź ciažkaściu dla nas zdabyli.

— Z kim sadzicca, kali jany ŭnačy ŭzłamali Upravu, jakuju ŭ svoj čas Zianon Paźniak sa svajoj žonkaj Halinaj ź ciažkaściu dla nas zdabyli. My prapanoŭvali — dajcie nam choć adzin maleńki pakojčyk va Upravie. Źviartalisia navat niekalki razoŭ. Navat na hety krok jany nie pajšli. Pra što tady kazać? Litaralna miesiac nazad ja razmaŭlaŭ z Vincukom Viačorkam i iznoŭ padymaŭ hetaje pytańnie. Iznoŭ admova. Heta havoryć ab tym, što nijakaha parazumieńnia znajści prosta niemahčyma. Tut pytańnie nastupnaha čynu. Kali b sapraŭdy napieradzie ich pamknieńniaŭ u palitycy była Biełaruś, to heta było b adno. Ale tut abvieščany čysty prahmatyzm.

— U kaho z kandydataŭ na pasadu staršyni Partyju BNF — Vincuka Viačorki, Alesia Michaleviča, Viktara Ivaškieviča — na vaš pohlad, najbolšyja šancy stać lideram?

Mohuć adpravić na «zvałku» i Viačorku

— A heta nie maje značeńnie. Na kaho ŭkažuć ludzi, jakija «zakazvajuć muzyku», toj i budzie. Vyrašeńnie ŭsich hetych pytańniaŭ idzie na prahmatyčnych rejkach. Kali jany pahladziać, što čałaviek svoj resurs vyčarpaŭ, to adpraviać jaho ŭ adstaŭku. Čyhir, Domaš, Hančaryk — ich ža ŭsich adpravili na «zvałku». Toje samaje i tut. Mohuć adpravić na «zvałku» i Viačorku.

Aleś Zabłocki, pahonia.promedia.by

Клас
0
Панылы сорам
0
Ха-ха
0
Ого
0
Сумна
0
Абуральна
0