Štany pašytyja z voŭny, z troch kavałkaŭ, i, vidavočna, nie abmiažoŭvali ruchaŭ. Samyja staražytnyja, pa acency vučonych, štany znojdzienyja niamieckimi archieołahami sumiesna z kitajskimi kalehami pry raskopkach u Kitai. Hetyja štany, jak paviedamlajecca ŭ pres-relizie Niamieckaha archieałahičnaha instytuta, byli pašytyja kala 3200 hadoŭ tamu. Znachodka zroblenaja ŭ rajonie horada Turfan, što na zachadzie Kitaja, i, jak adznačajuć archieołahi, daje mahčymy adkaz na pytańnie, a chto ž ułasna vynajšaŭ taki zvykły ciapier pradmiet harderoba.

Da siaredziny treciaha stahodździa da n.e. mužčyny i žančyny ŭ Azii i Jeŭropie nasili ŭ asnoŭnym spadnicy, sukienki i tuniki. Ale ŭ takoj adziežy nie vielmi zručna skakać na kani. Voś i pryjšła jeŭrazijskim kačeŭnikam ideja pašyć trubapadobnyja čachły dla noh. Šarścianyja štany z pachavańnia ŭ Kitai byli pašytyja z raźlikam mienavita na toje, što ich ułaśnik šmat času pravodzić u siadle. Kałašyny prymacavanyja da siaredniaj častki, jakaja była vyrablena asobna i pašytaja tak, kab zabiaśpiečvać maksimalnuju svabodu ruchu dla noh.

U mahile ŭładalnika hetych samych staražytnych ź viadomych archieołaham štanoŭ byli taksama znojdzienyja abroć i typovaja dla voinaŭ-kačeŭnikaŭ zbroja. Takim čynam, jašče adno paćvierdžańnie atrymała hipoteza, što evalucyja štanoŭ u ich viadomym nam siońnia vyhladzie ciesna źviazana sa źjaŭleńniem kačavoha ładu žyćcia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?