Moc Rasii ŭ vajennym płanie źjaŭlajecca abaronaj intaresaŭ Biełarusi, zajaviŭ Alaksandr Łukašenka 8 maja, nazirajučy za płanavaj treniroŭkaj u Nacyjanalnym centry kiravańnia abaronaj Rasii padčas rabočaha vizitu ŭ Maskvu. 

Pavodle mierkavańnia biełaruskaha lidara, adhetul i abaviazak ADKB pa salidarnaści z Rasijskaj Fiederacyjaj u zonie adkaznaści Arhanizacyi i sumiesnych dziejańniam na vučeńniach. «Kryj boža nam daviadziecca ŭ žyćci być u takoj situacyi, my pavinny być razam», — cytuje Łukašenku jaho pres-słužba. 

Padčas treniroŭki da adpracoŭki praktyčnych vučebna-bajavych zadač byli pryciahnutyja orhany vajennaha kiravańnia ŭsich uzroŭniaŭ, ekipažy stratehičnych bambardziroŭščykaŭ, padvodnych rakietanoscaŭ Cichaakijanskaha i Paŭnočnaha fłatoŭ, bajavyja raźliki ruchomych hruntavych rakietnych kompleksaŭ stratehičnaha pryznačeńnia, rakietnych vojskaŭ i artyleryi Paŭdniovaha i Centralnaha vajennych akruh, siły i srodki, jakija vyrašajuć zadačy zabieśpiačeńnia pavietrana-kaśmičnaj abarony Rasii. 

Jak zajaviŭ Łukašenka, treniroŭka źjaŭlajecca śviedčańniem taho, što «Rasii jość čym abaraniacca, jość čym nanieści ŭdar pa tych, chto choča pahreć ruki tut, na rasijskaj terytoryi, i vyrašyć svaje pytańni». 

Pavodle jaho słoŭ, dla Biełarusi heta mierapryjemstva važnaje tym, što ŭ dziejańni była prademanstravana praca kompleksaŭ, jakija stajać na ŭzbrajeńni ŭ tym liku i biełaruskaj armii. 

Jak ličyć Łukašenka, situacyja, što składvajecca, havoryć ab tym, što ŭ svoj čas było pryniata pravilnaje rašeńnie pra abjadnańnie ŭ Arhanizacyju Dahavora ab kalektyŭnaj biaśpiecy. «Siońnia ni Biełaruś, ni Tadžykistan, Kyrhyzstan, Armienija, nie kažučy ŭžo pra Rasiju, nie mohuć spakojna žyć, nie dumajučy pra toje, što heta daloka, što heta nie ŭ nas», — skazaŭ biełaruski lidar na niefarmalnaj sustrečy kiraŭnikoŭ dziaržaŭ Armienii, Biełarusi, Kyrhyzstana, Rasii i Tadžykistana. 

Jon adznačyŭ simvaličnaść ciapierašniaj sustrečy kiraŭnikoŭ piaci dziaržaŭ napiaredadni Dnia Pieramohi. «Kryj boža štości zdarycca, my pavinny być hatovyja stać śpinaj da śpiny, jak kažuć vajennyja ludzi, i abaranić naš suvierenitet i niezaležnaść», — zajaviŭ Łukašenka. Pavodle jaho mierkavańnia, «heta asabliva važna ŭ toj čas, kali Zachad faktyčna pajšoŭ na eskałacyju napružanaści, ale pakul praz ekanomiku, finansy, sprabujučy ŭvieści peŭnyja ekanamičnyja sankcyi», havorycca ŭ paviedamleńni pres-słužby. 

«Sproba nacisnuć na Rasiju, zrazumieła, adbivajecca na nas. I ja ŭpeŭnieny, što nam treba ŭnutrana mabilizavać reziervy, i my prymnožym toje, što ŭ nas było, biez usiakich padačak ci abiacańniaŭ z boku Zachadu», — skazaŭ biełaruski kiraŭnik.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?