Vajenna-palityčny błok zachodnich dziaržaŭ NATA nie čakaje pačatku novaj suśvietnaj vajny z-za ciapierašniaha kanfliktu va Ukrainie. Adnak ahresiŭnaja palityka Rasijskaj fiederacyi pavinna spynić praces demilitaryzacyi ŭ krainach aljansu.

Pra heta siońnia zajaviŭ hienieralny sakratar NATA Anders Foh Rasmusen u intervju polskamu telekanału TVN24 Biznes i Świat.

«Nie, heta dźvie absalutna dyjamietralnyja spravy», — skazaŭ jon, adkazvajučy na pytańnie, ci moža situacyja va Ukrainie spravakavać suśvietnuju vajnu, jak heta było paśla rehijanalnaha kanfliktu Aŭstryi i Sierbii ŭ 1914 hodzie.

Toje, što my bačym — heta sproby Rasii pieramalavać karty biaśpieki Jeŭropy. Heta ŭpieršyniu paśla Druhoj suśvietnaj vajny, kali kraina siłaj zabiraje terytoryju inšaj krainy», — adznačyŭ jon.

Rasmusen skazaŭ, što dziejańni rasiejcaŭ stvarajuć zusim novuju situacyju ŭ Jeŭropie, i zachodnija dziaržavy pavinny adpaviednym čynam na jaje adreahavać.

Hienieralny sakratar NATA adznačyŭ, što Rasijskaja Fiederacyja ŭ apošnija hady praciahvaje naroščvać svaju vajennuju moc u toj čas, jak zachodnija dziaržavy pamianšajuć vydatki na ŭzbrajeńnie, nazvaŭšy nieabchodnym źmianić hetuju tendencyju.

«Apošnija hady my bačyli značnaje pamianšeńnie abaronnych biudžetaŭ niekatorymi krainami-členami. Niekatoryja ź ich pamienšyli vydatki na abaronu bolš čym na 40%. U toj čas, jak Rasija pavialičyła na 30%. Nie možam dalej razzbrojvacca tady, kali Rasija uzbrojvajecca i razmachvaje šablaj kala našych miežaŭ», — skazaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?