U dadzieny momant častka kalekcyi skifskaha zołata znachodzicca na vystavie «Krym: zołata i sakrety Čornaha mora» u Amsterdamie. U niadzielu ŭ ŚMI źjaviłasia infarmacyja, što kalekcyja moža nie viarnucca ŭ Krym, kali Niderłandy nakirujuć ekspanaty ministerstvu kultury Ukrainy.

Pytańnie viartańnia kalekcyi krymskaha zołata paśla vystavy ŭ muziei ŭ Niderłandach abmiarkoŭvajecca jurydyčnymi kansultantami univiersiteta Amsterdama, jakomu naležyć muziej.

Vystava «Krym: zołata i sakrety Čornaha mora» była adkrytaja ŭ archieałahičnym muziei Ałłard Pirsana ŭ Amsterdamie ŭ pačatku lutaha. Na joj sabranyja archieałahičnyja znachodki ź piaci krymskich muziejaŭ, siarod ekspanataŭ: artefakty z zołata, cerymanijalny šlem i kaštoŭnyja kamiani. Da hetaha vystava prachodziła ŭ niamieckim Bonie.

U niadzielu ŭ ŚMI źjaviłasia infarmacyja, što kalekcyja moža nie viarnucca ŭ Krym, kali Niderłandy, naprykład, nakirujuć ekspanaty ministerstvu kultury Ukrainy.

Ekspanaty vystavy zastanucca ŭ Niderłandach pa mienšaj miery da kanca žniŭnia, kali zavieršycca vystava. Zatym jany buduć viernutyja z ulikam pravoŭ ułasnaści. Dadatkovyja rekamiendacyi byli taksama atrymanyja ad ministerstva zamiežnych spraŭ Niderłandaŭ, adznačajuć arhanizatary vystavy.

Ŭkrainskaje ministerstva kultury ličyć, što ekspanaty vystavy buduć viernutyja Ukrainie.

«Ekspazicyja vierniecca va Ukrainu, tamu što dakumienty byli vydadzienyja ŭkrainskim bokam. Hetyja kaštoŭnaści naležać Ukrainie», — skazali ŭ pres-słužbie ministerstva. Surazmoŭca nie zmoh skazać, ci zastaniecca ekspazicyja va Ukrainie abo budzie viernutaja ŭ Krym. — «Dalej budziem hladzieć. Zaraz ciažka skazać», — adznačyli ŭ pres-słužbie.

Raniej u čaćvier śpiecyjalny pradstaŭnik prezidenta RF pa mižnarodnym kulturnym supracoŭnictvie Michaił Švydkoj zajaviŭ, što skifskaje zołata z krymskich muziejaŭ, jakoje ciapier znachodzicca na vystavie ŭ Amsterdamie, pavinna viarnucca ŭ Krym.

Pavodle jaho słovaŭ, mohuć być samyja roznyja miechanizmy viartańnia hetych rečaŭ, ale, biezumoŭna, pakolki heta častka mienavita krymskaha kulturnaj spadčyny, «hetyja rečy pavinny buduć viarnucca ŭ Krym».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?