U Biełarusi nadvorje ŭ kancy sakavika budzie adpaviadać klimatyčnaj normie, paviedamiła hałoŭny sinoptyk Respublikanskaha hidramieteacentra Ludmiła Paraščuk.

«Siońnia situacyja pačała mianiacca. Pavolna, pačynajučy z paŭnočnaha ŭschodu Biełarusi, umovy nadvorja stanie farmiravać chaładnavaty šyroki antycykłon z centram zaŭtra dniom nad Finlandyjaj. Pad abaronaj antycykłonu apadkaŭ nie čakajecca. Viecier paŭnočna-ŭschodni ŭmierany», - adznačyła hałoŭny sinoptyk. Tempieratura pavietra nočču składzie ad 0 da plus 6 hradusaŭ, pa paŭnočnym uschodzie Viciebskaj i Mahiloŭskaj abłaściej — 1—3 hradusy marozu. Dniom pavietra prahrejecca da 7—13 hradusaŭ vyšej za nul, a pa paŭdniovym zachadzie — da plus 15 hradusaŭ.

Pavodle słoŭ Ludmiły Paraščuk, u bližejšyja vychadnyja antycykłon, razburajučysia, adpravicca ź Finlandyi praź Biełaruś va Ukrainu. Istotnych apadkaŭ nie čakajecca. Viecier paŭnočnaj čverci. Tempieratura pavietra nočču budzie ad minus 6 hradusaŭ pa paŭnočnym uschodzie - da plus 2 pa paŭdniovym zachadzie krainy. Dniom termomietry pakažuć 4—9 hradusaŭ ciapła, pa zachadzie Bresckaj i Hrodzienskaj abłaściej 10—13 hradusaŭ vyšej za nul.

U apošni sakavicki dzień čakajecca pastupleńnie na Biełaruś chaładnavatych vilhotnych pavietranych mas z poŭnačy Bałtyjskaha mora.

Miescami projduć karotkačasovyja apadki ź pieravahaj mokraha śniehu. Nočču i ranicaj na asobnych učastkach daroh prahnazujecca hałalodzica. Nočču tempieratura pavietra budzie vahacca ad minus 4 da plus 2 hradusaŭ, dniom - ad 2 da 8 hradusaŭ ciapła.

«Paśla ciapierašniaha «majskaha» nadvorja čakany tempieraturny fon budzie adpaviadać klimatyčnaj normie. U pieršy krasavicki dzień charaktar nadvorja nie źmienicca», - padkreśliła mietearołah.

U siaredzinie nastupnaha tydnia zachavajecca chaładnavataje nadvorje.

U sieradu tempieratura pavietra nočču ŭ roznych rajonach krainy budzie składać ad minus 7 da 0 hradusaŭ, dniom jana pavialičycca da 2-8 hradusaŭ vyšej za nul. U asobnych rajonach projdzie nievialiki śnieh. Nočču i ranicaj miescami na darohach mahčyma hałalodzica, papiaredžvajuć sinoptyki

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?