Biełaruskija studenty, jakija navučajucca za miežami, abjadnajucca ŭ supolnaść. Prezentacyja prajekta stvareńnia takoj supolnaści adbyłasia ŭ Vilni, dzie 12 —16 kastryčnika prajšła sustreča biełaruskich studentaŭ u vyhnańni, zładžanaja Centram daśledavańniaŭ Uschodniaj Eŭropy, paviedamlaje BiełaPAN.

U mierapryjemstvie ŭziali ŭdzieł bolš za 50 studentaŭ, jakija navučajucca va ŭniversytetach Litvy, Polščy, Niamieččyny, Čechii, Ukrainy i Švajcaryi. Bolšaść udzielnikaŭ pradstaŭlali studenty Eŭrapiejskaha humanitarnaha universyteta, zakrytaha biełaruskimi ŭładami ŭ 2004 hodzie, jaki adnaviŭ pracu ŭ Vilni, a taksama ŭdzielniki prahramy Kastusia Kalinoŭskaha, adkrytaj polskim uradam dla praciahu navučańnia biełaruskich studentaŭ, adličanych pa palityčnych matyvach z VNU Biełarusi.

Udzielniki sustrečy naviedali lekcyi, pryśviečanyja biełaruska-litoŭskim adnosinam i perspektyvam raźvićcia Biełarusi. Pavodle menedžara prajektaŭ Centra daśledavańniaŭ Uschodniaj Eŭropy Maryjusa Nieliupsisa, sustreča prajšła paśpiachova.

Pa vynikach mierapryjemstva vyrašana pačać padrychtoŭku statuta supolnaści biełaruskich studentaŭ u vyhnańni, jaki pavinien być pryniaty na nastupnaj sustrečy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?