Polskaja hazeta «Metro», što biaspłatna razdajecca na vulicach, paviedamiła pra biełaruskich hastarbajteraŭ, jakija atrymlivajuć pracoŭnyja vizy ŭ Polšču, adnak da miesca pracy masava nie źjaŭlajucca.

Vydańnie paviedamlaje, što padobnyja prablemy pačalisia ad momantu spraščeńnia pracedury pracaŭładkavańnia zamiežnikaŭ u Polščy ŭ krainu. Ad 20 lipienia biahučaha hodu polskamu pracadaŭcu dastatkova padać zajavu ŭ bližejšuju ŭpravu pa pracy, zapoŭnić farmular dy zapłacić 100 złotych. Farmular adsyłajecca najmitu ŭ Biełaruś, Ukrainu, ci Rasieju. Farmular harantuje aŭtamatyčnaje atrymańnie pracoŭnaj vizy na 3 miesiacy. Pry hetym nia treba stajać pa niekalki tydniaŭ u čarzie pa vizu.

«Metro» pryvodzić fakty «źniknieńnia» adrazu paśla pierasiačeńnia polskaj miažy sotniaŭ ukraincaŭ — polski pracadaŭca apłaciŭ pryjezd 300 čałaviek, dajechała ŭsiaho 20.

Vydańnie paviedamlaje, što z analahičnaj prablemaj sutyknułasia i polskaje hienkolsunstva ŭ Horadni. Bolš za toje, šmat chto ź biełarusaŭ nibyta nie zatrymlivajucca i ŭ Polščy. U pošukach bolšaha zarobku jany vyjaždžajuć u zachodnieeŭrapiejskija krainy.

U pres‑słužbie hieneralnaha konsulstva Polščy ŭ Biełarusi infarmacyju pra masavaje źniknieńnie biełaruskich pracoŭnych mihrantaŭ u Polščy nie paćvierdzili, ale j nie abvierhli.

«Pa‑pieršaje, kali b heta byli b sapraŭdy masavyja fakty, my byli b u kursie padziejaŭ, ale adpaviednych zvarotaŭ z boku polskich pracadaŭcaŭ my nie atrymlivali, pa‑druhoje, my ŭvohule nia stavim pierad saboj takuju zadaču — adsočvać dalejšaje pieramiaščeńnie čałavieka, što atrymaŭ polskuju pracoŭnuju vizu» — paviedamiła pres‑sakratar polskaj ambasady Monika Sadkoŭskaja.

Maŭčańnie polskich pracadaŭcaŭ uskosna možna patłumačyć značnym niedachopam pracoŭnaj siły ŭ Polščy. Tolki ŭ budaŭničaj sfery nie chapaje 400 tys. rabočych.

Dahetul biełaruskija ŚMI rehularna paviedamlali pra šmatlikija prablemy, što pieraśledujuć biełaruskich hastarbajteraŭ za miažoj, asabliva tych, što nakiroŭvajucca ŭ pošukach zarobku ŭ Rasieju. Fakty, pryviedzienyja polskaj hazetaj, kali jany znojduć paćvierdžańnie, buduć śviedčyć pra toje, što biełarusy zdolnyja być nia tolki padmanutymi, ale j padmanvać inšych.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?