Iduć tolki pieršyja tydni navučalnaha hoda, ale nieparazumieńni vučniaŭ z nastaŭnikami i dyrektarami raspačalisia nadziva chutka. Adzin z kanfliktaŭ adbyŭsia 7 vieraśnia 2007 hoda.

Pačałosia ŭsie z taho, što vučań 9 klasy Stanisłaŭ S. spytaŭ u nastaŭnicy historyi: «A čamu padručnik pa historyi Biełarusi vydali na rasiejskaj movie?»

Nastaŭnic adkazała: «Škoła rasiejskamoŭnaja, i klasa taksama rasiejskamoŭnaja , tamu j takija padručniki!»

Stanisłava nie zadavoliŭ adkaz, i jon znoŭ zapytaŭsia: »Dyk čamu tady padručnik pa biełaruskaj litaratury vydadzieny na biełaruskaj movie? Čamu nie na rasiejskaj?»

U adkaz vykładčyca ŭskliknuła :»Nu, heta ž Biełaruskaja litaratura!»

«A kali navat ja vučusia ŭ rasiejskamoŭnaj škole j rasiejskamoŭnaj klasie, ci mahu ja vyvučać historyju Biełarusi pa‑biełarusku»? — pacikaviŭsia Staś.

«Nu raz ty, značyć, patryjot, tady možaš uziać padručnik u školnaj biblijatecy, ale pry hetym tolki ty adzin budzieš raspaviadać chatniaje zadańnie na biełaruskaj movie! Tabie ŭsie zrazumieła?!» — hučna i ździekliva prakryčała nastaŭnica.

U papiarednija hady ŭ maładoj vykładčycy historyi prablemaŭ ź biełaruskaj movaj nie ŭźnikała. Ab minułym našaj krainy jana svabodna raspaviadała dzieciam pa‑biełarusku.

Na pierapynku Stanisłaŭ uziaŭ sabie padručnik pa historyi Biełarusi na rodnaj movie, kab praciahvać vučyć pradmiet pa‑biełarusku, niachaj sabie i adzin z cełaje klasy.

Chłopcu vielmi nie spadabałasia toje, što zrabiła biełaruskaje Ministerstva adukacyi ŭ dačynieńni da historyi, movy i kultury ŭłasnaje krainy.

«Jakich hramadzianaŭ vychavajuć takija padručniki pa historyi na nia našaj spradviečnaj movie? Chto nas vučyć? Ci buduć bolšymi patryjotami svajoj Radzimy spres rasiejskamoŭnyja ludzi? Jak i čamu nas vučać? Što dalej čakaje našaje hramadztva? — chočacca zapytacca chłapcu ŭ našych čynoŭnikaŭ, nastaŭnikaŭ i usich biełarusaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0