Kijeŭskaja kanferencyja Biełaruskaha instytutu stratehičnych daśledavańniaŭ stała viadomaj, dziakujučy bon mot Alaksandra Fiaduty, jaki na joj nazvaŭ apazycyjnych palitykaŭ “trupami šmatrazovaha vykarystańnia”. Zala paciašałasia, i zaviazaŭsia intelektalny boj usich suprać usich.

Heta raspružyła ŭdzielnikaŭ, ale nie admianiła tych faktaŭ, što:

Pieravažnaja bolšaść intelektuałaŭ havaryła našmat daŭžej za adviedzieny rehlament. Prynamsi pałova ź ich nie pasaromiełasia vystupić z tymi samymi dakładami, jakija ja ad ich čuŭ prynamsi hod tamu.

Miakka kažučy, nie realistyčnymi padavalisia mnie mnohija razvažańni, naprykład, što adstaŭkaj Kanaplova Łukašenka pačaŭ rychtavać pierajemnika (Fiaduta), što Rasieja i Francyja nie dazvolać Biełarusi budavać AES (Koktyš) ci rekamendacyi Demakratyčnym siłam “Važnaj zadačaj kampanii [vybaraŭ u pałatu pradstaŭnikoŭ] jość pieramoha choć by ŭ niekalkich vybarčych akruhach” i “Na kožnaj vybarčaj akruzie vyłučyć da pačatku kampanii adzinaha kandydata ad ADS, a taksama mieć dublora na vypadak jahonaha źniaćcia ŭładaju” (Čarnoŭ).

* * *

Što havaryli ŭ Kijevie:

Ekanamist Pavał Danejka: Biełaruski biznes baicca liberalizacyi, bo, miarkuje jon, pry joj moža pryjści rasiejski kapitał i ŭsio apanavać.

Raniej my byli za niezaležnaść. A ciapier za što? Raniejšaja platforma apazycyi vyčarpała siabie, bo zrealizavałasia. Hramadztva čakaje ad apazycyi novych kankretnych prapanovaŭ.

Biełaruś čakaje padzieńnie kankurentazdolnaści pradukcyi ŭ vyniku taho, što Rasieja imkliva madernizuje ŭłasnyja vytvorčaści. Heta ŭžo adbyłosia ŭ charčovaj pramysłovaści i nieŭzabavie adbudziecca taksama ŭ mašynabudavańni. Hetak, u Rasiei nieŭzabavie adkryjucca zavody “Reno” i “Volva”.

Sacyjolah Andrej Vardamacki: Ad pačatku 2007-ha rejtynh Łukašenki źmianšajecca. Rejtynh Łukašenki adhetul nosić nie charyzmatyčny, a prahmatyčny charaktar i pastupova nabyvaje rysy inercyjnaha.

Sacyjolah Nadzieja Jafimava: Aŭdytoryja “Kamsamołki” abahnała aŭdytoryju “Sovietskoj Biełoruśsii». Z telekanałaŭ najpapularniejšy – ANT, z navinnych prahramaŭ – “Našy novosti”. Z radyjokanałaŭ biezumoŭny lider — Pieršy kanał i jaho ranišnija prahramy. Z FM-stancyj lider – “Radyjus FM”, za im iduć “Stalica”, “Russkoje” i “Roks”.

Ekanamist Alaksandar Čubryk: 40 % biełaruskaha ekspartu ŭ 2006-m składali nafta i naftapradukty.

Za pieršy kvartał 2007 zamiežnaja zapazyčnaść vyrasła na miljard dalaraŭ (za ceły 2006-y – na 1,7 młrd).

Deficyt enerhietyčnaha handlu maje vyraści z 1,5 młrd u 2007 hodzie da 4,5 młrd u 2011 hodzie.

Heta dazvalaje mierkavać, što Łukašenka budzie schilny pravieści vybary ŭ 2010 hodzie.

Najbolš imavierny scenar – urad budzie kampensavać deficyt biahučych rachunkaŭ za košt dalejšych zamiežnych zapazyčańniaŭ.

Pry pazytyŭnym scenary raźvićcia ekanomiki siaredni zarobak dasiahnie ŭ 2010 hodzie 480 dalaraŭ, pry nehatŭnym – 400 dalaraŭ.

Ukrainski palitolah Aleh Soskin: Małaimavierna, što Łukašenka vykanaje abiacańnie i addaść 50 % “Biełtranshazu” Rasiei

Časovy pavierany Słavaččyny ŭ Biełarusi Lubamir Rehak: Pryjechali my z pasłom Benetam u Mahiloŭ da Fińkieviča. Pryjšoŭ palitruk, vyhnaŭ. “Žiełaju vam počuvstvovať, čto takoje svoboda”, -- kaža jamu Benet. – “Moja svoboda był SSSR”, -- vyhuknuŭ palitruk.

Łukašenka najlepšy ahitatar za Eŭropu. Bo paŭsiul patrabuje eŭrapiejskaj jakaści, eŭrapiejskich standartaŭ. Voś i hatel nazvaŭ “Eŭropa”. Nie “Karakas” i nie “Maskva”. I navat hledziačy “Tur de Frans”, bačyŭ nie ravarystaŭ, a kałośsie. Jano ŭ nas čamuści lažyć, a ŭ Eŭropie staić.

Alaksandar Dabravolski, AHP: Siłaŭ adnoj apazycyi zamała dla pieramohi. Patrebnyja sajuźniki.

Marcin Butara, česki sacyjolah i piśmieńnik, były pasoł Słavaččyny ŭ ZŠA: U aŭtarytarnych krainach jość intelektualnaja absesija na temy taho, što niemahčyma. Usie kažuć: ništo niemahčyma. I jość inšaja tematyčnaja absesija: dyktatar. Usie ŭ apazycyi razvažajuć pra dyktatara, analityki zaniatyja biaskoncym analizam najmienšych jahonych vykazvańniaŭ... Hetyja absesii kontrapraduktyŭnyja.

Hans-Hieorh Vik, dyplamat u adstaŭcy: Nad Biełaruśsiu paviejaŭ viecier pieramienaŭ, pačuli my. Ale ŭ jaki bok?

Vital Silicki, palitolah: Ciapierašniaja Biełaruś nahadvaje frankisckuju Hišpaniju.

Rajner Lindner, historyk i palitolah: Biełaruś znachodzicca na trecim etapie transfarmacyi, jaki jana pačała z Łukašenkam, a skončyć užo biez Łukašenki.

Jakija najbolšyja dasiahnieńni niezaležnaha hramadztva ŭ 2006-2007-m (paśla vybaraŭ)?

Žanna Litvina, staršynia Biełaruskaja asacyjacyi žurnalistaŭ: adziny lider, pryznany Eŭropaj

Aleś Ancipienka, dyrektar Biełaruskaha kalehijumu: dasiahnieńnie bolš realistyčnaha bačańnia budučyni.

Alaksandar Sasnoŭ, sacyjolah: pieramiena ŭ hramadzkaj dumcy, kali bolšaść stała vykazvacca suprać sajuzu z Rasiejaj

Iryna Vidanava, vydaŭnica: vyrasła salidarnaść (prykład — akcyi padtrymki kala sudoŭ).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?