Pa‑mojmu, sp. Bohdan «zahavaryŭ prablemu», bo ŭsie jahonyja vysnovy majuć dyskusijny charaktar i advodziać u bok ad hałoŭnaha. Tamu ja spyniusia tolki na adnoj vysnovie‑pytańni. Z kim jadnacca?

Najpierš, sa škołaj. Bazavyja moŭnyja viedy paśla škoły nie pierahladajucca absalutnaj balšynioj našych suajčyńnikaŭ i ŭsio, što napisana «niapravilna», abo patrabuje tłumačeńniaŭ, abo — što čaściej — zastajecca adkinutym.

Pa‑druhoje, jadnacca z absalutnaj balšynioj aktyŭnych u spravie biełaruskaj aśviety, navuki i litaratury ludziej. Čamu nie karystajucca klasyčnym pravapisam Hienadź Sahanovič, Michaś Kazłoŭski, časopis «Naša viera», hazeta «Naš čas», biełastockaja «Niva», bolšaść rehijanalnych vydańniaŭ aśvietnaha j krajaznaŭčaha charaktaru? Heta pytańnie da ich, dla mianie — tak jość. Pa‑treciaje, jadnacca z absalutnaj balšynioj biełaruskamoŭnaj knižnaj dy inšaj drukavanaj pradukcyi. Davajcie hladzieć praŭdzie ŭ vočy. Klasyčnym pravapisam siońnia paśladoŭna karystajecca stolki drukavanych peryjodykaŭ, kolki možna pieraličyć na palcach adnoj ruki. I heta vyklučna t. zv. elitarnyja vydańni. Usio, što raźličvaje na vodhuk u šyrokim narodzie, karystajecca aficyjnym pravapisam.

Zaŭvažcie, ja ni razu nie skazaŭ pra jadnańnie z «rasiejskamoŭnym režymam», jakomu my pavinny składać kankurencyju. «Taraškievica» siońnia — heta ŭcioki ad takoj kankurencyi ŭ svoj paralelny śviet. Nas uva ŭsioj hetaj spravie musiła b kłapacić budučynia movy i najbolš metazhodnyja dla jaje kroki j zachady. U 1990‑ia hady takim krokam było pašyreńnie klasyčnaha pravapisu, asabliva siarod moładzi. Siońnia metazhodna viarnucca da aficyjnaha. Zaŭtra, mahčyma, budzie sens u čarhovym nastupie klasyki. Ale davajcie nie hublać adčuvańnia hetaje metazhodnaści dziela budučyni movy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?