Biełaruś zacikaŭlena ŭ raźvićci inviestycyjnych prajektaŭ pa zdabyčy i pierapracoŭcy buraha vuhalu. Ab hetym zajaviŭ siońnia prezident Biełarusi Alaksandr Łukašenka na sustrečy z kiraŭnikom luksiemburhskaj kampanii Polar Stars Group S.A. Mikałajem fon Kieleram.

Prezident adznačyŭ, što Biełaruś pryncypova zajmajecca pytańniami enierhietyčnaj biaśpieki jak asnoŭnaha składalnika niezaležnaści krainy. "I nam, zrazumieła ž, luby prajekt siońnia vielmi važny", - padkreśliŭ jon.

Alaksandr Łukašenka paviedamiŭ, što pradstaŭlenyja jamu luksiemburhskaj kampanijaj dva inviestprajekty — pa zdabyčy i pierapracoŭcy ŭ Biełarusi buraha vuhalu i haručych słancaŭ - papiarednie byli padrabiazna abmierkavany va ŭradzie. Jon adznačyŭ, što "heta šmatmiljardnyja zatraty" i takija bujnyja prajekty zaćviardžajucca prezidentam.

U tym vypadku kali damoŭlenaści buduć dasiahnuty, "Vy staniecie našym čałaviekam, my budziem pracavać z vami jak sa svajoj kampanijaj, ažyćciaŭlać padtrymku", - skazaŭ prezident, źviartajučysia da Mikałaja fon Kielera. "Hety prajekt lažyć u śfiery nacyjanalnaj biaśpieki i niezaležnaści dziaržavy. Kali my jaho realizujem, to zmožam značna rušyć napierad u hetym napramku", — dadaŭ jon.

Pacikaviŭšysia ŭ zamiežnaha inviestara, jak jon bačyć supracoŭnictva ź Biełaruśsiu, Alaksandr Łukašenka adznačyŭ, što niekatoryja zachodnija i rasijskija inviestary ličać Biełaruś "niekranutaj krainaj u płanie bandyckaj pryvatyzacyi".

Kiraŭnik dziaržavy padkreśliŭ: "My nie źbirajemsia kapacca ŭ historyi inviestaraŭ i šukać, čyje ŭ ich hrošy. Kali ŭ čałavieka jość hrošy i jon hatovy ich invieściravać, to, kali łaska, prychodźcie i invieścirujcie. Hałoŭnaje, što ich krynica — nie narkotyki i nie bandyckaja zbroja". "Vyvučeńnie vašych kampanij, chołdynhaŭ śviedčyć ab tym, što ŭ vas surjoznyja namiery", — skazaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?