Cana na rasijski haz dla biełaruskich spažyŭcoŭ ŭ 2014 hodzie moža vyraści da $175 za 1 tys. kubamietraŭ. Pra heta paviedamiŭ siońnia žurnalistam pieršy vice-premjer Biełarusi Uładzimir Siamaška.

Adkazvajučy na pytańnie, ci buduć pavyšany ceny na haz dla biełaruskich spažyŭcoŭ na fonie rostu suśvietnych koštaŭ na enierhanośbity, Uładzimir Siamaška adznačyŭ: «Vy viedajecie, što my atrymlivajem haz pa vielmi kankurentnych cenach. Za minuły hod siaredniaja cana skłałasia na ŭzroŭni $ 165,6, siońnia krychu nižejšaja. Z ulikam rostu koštaŭ na naftu (a cenavaja formuła pa pastaŭkach hazu ŭ Biełaruś pryviazanaja da suśvietnych cenaŭ, kacirovak) biezumoŭna niejki padjom budzie, ale vielmi niaznačny».

Tak, pa słovach pieršaha vice-premjera, cana za 1 tys.kub.m hazu dla Biełarusi ŭ 2014 hodzie moža skłaści $175.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?