Premjer vystupiŭ z adkrytaj lekcyjaj pra prablemy biełaruskaj ekanomiki dla studentaŭ Bresckaha dziaržaŭnaha techničnaha ŭniviersiteta. Hetuju VNU ŭ svoj čas skončyŭ i sam Miaśnikovič.

«U Biełarusi adna z samych adkrytych ekanomik u śviecie. Heta śviedčyć pra vysoki ŭzrovień jaje raźvićcia ŭnutry krainy. Adnak zvyšadkrytaść robić našuju ekanomiku zaležnaj ad zamiežnych rynkaŭ i faktaraŭ», — adznačyŭ premjer-ministr. Miaśnikovič raskazaŭ pra prablemy ŭstupleńnia ŭ SHA, ekanamičnyja suviazi ŭnutry Mytnaha sajuza i varyjanty svabodnaha handlu ŭ Biełarusi, a taksama zajaviŭ ab tym, što nivodnaje ekanamična piśmiennaje pradpryjemstva ŭ našaj krainie nie moža aryjentavacca tolki na syravinnuju palityku i śfieru pasłuh.

Apošniaja, na dumku Miaśnikoviča, budzie raźvivacca tolki tady, kali nasielnictva budzie zdolnaje płacić.

Była zakranutaja, na dumku premjera, i samaja hałoŭnaja prablema biełaruskaj ekanomiki — masavy adtok maładych i daśviedčanych śpiecyjalistaŭ.

«Čamu ŭ Minsku ladoŭni dapamahajuć budavać uźbieki? Chiba ŭ nas niama svaich majstroŭ? Jość. Ale my nie možam ich ničym utrymać, — zaŭvažaje Michaił Miaśnikovič.

— Voś Miadźviedzieŭ, jak byŭ prezidentam Rasii, zajaviŭ, što ich kraina ŭkładzie niemałyja srodki ŭ toje, kab viarnuć svaje talenty z ZŠA dy inšych krain. Taki padychod pavinnyja vykarystoŭvać i my. Treba stvaryć usie ŭmovy, kab čałaviek moh siabie realizavać i mieć adekvatny prybytak. Siońnia heta vielmi składana».

«U nas vielmi šmat vychadcaŭ z Azii zajmajuć miescy našych chłopcaŭ na budoŭli dy ŭ inšych śfierach. Voś siońnia ŭ Baranavičach my z Kanstancinam Andrejevičam Sumaram usurjoz razhladali mahčymaść zaprašeńnia tkačoŭ z Banhładeš. A što rabić, kali svaich niama abo my nie možam ich utrymać? Usie hetyja pytańni zaviazanyja na ekanomicy, na zarobkach.

Našyja ludzi chočuć pracavać za amierykanski zarobak i žyć pa biełaruskich cenach. Heta niemahčyma», — upeŭnieny Miaśnikovič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?