12 vieraśnia ŭ sudzie Centralnaha rajona Minska vyniesieny prysud dvum vykradalnikam 740 tysiač dołaraŭ z bankaŭskich jačejek «BPS-Śbierbanka».

Adnamu z abvinavačanych pryznačana pakarańnie ŭ vyhladzie pazbaŭleńnia voli na čatyry hady z kanfiskacyjaj majomaści, druhomu — na try hady pazbaŭleńnia voli taksama z kanfiskacyjaj majomaści. Abodva abvinavačanyja ŭziatyja pad vartu ŭ zale suda. Sud prachodziŭ u zakrytym režymie.

Jak paviedamlałasia raniej, złačynstva było ŭčyniena ŭ kancy listapada minułaha hoda.

Supracoŭnik banka 1959 hoda naradžeńnia razam sa svaim svajakom 1984 hoda naradžeńnia ŭ niekalki pryjomaŭ vykrali ź dźviuch bankaŭskich jačejek 400 tys. i 340 tys. dołaraŭ. Svajak dapamahaŭ chavać vykradzienaje.

Rabotnik banka mieŭ dostup u schovišča, dzie sam arandavaŭ jačejku, moh pravodzić tam lehalna ŭ adzinocie šmat času. Dźvie jačejki, ź jakich potym byli vykradzieny sotni tysiač dołaraŭ, jon vyličyŭ z ulikam asob ich uładalnikaŭ, zabiaśpiečanych klijentaŭ. Kolki kankretna hrošaj moža być u jačejkach, złamyśniki nie viedali, ale raźličvali na vialikija sumy. Mahčymaść znachodzicca doŭhi čas u schoviščy dazvoliła bankaŭskamu słužačamu ekśpierymientavać z zahatoŭkami klučoŭ (vyrableny jany byli z šuflika dla manhała) i dabicca taho, kab dublikaty adčynili jačejki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?