Biełaruskija ŭłady zabaranili praviadzieńnie ŭ Minsku ahulnanacyjanalnaha maršu ŭ abaronu žyćcia, jaki pavinien byŭ adbycca 21 vieraśnia. Na marš było dabrasłavieńnie hałovaŭ pravasłaŭnaj i katalickaj Cerkvaŭ u krainie — mitrapalitaŭ Fiłareta i Tadevuša Kandrusieviča.

«Pavažanyja patencyjnyja ŭdzielniki maršu! My vielmi radyja, što sabrałasia stolki ludziej, hatovych zmahacca za abaronu prava na žyćcio jašče nie narodžanych niemaŭlataŭ. Na žal, pa niezrazumiełych dla nas pryčynach, praviadzieńnie maršu nie było dazvolena. Dziakujem usim za hatoŭnaść uziać udzieł u dadzienym mierapryjemstvie!» — havorycca ŭ aficyjnym paviedamleńni arhanizataraŭ mierapryjemstva.

Jak paviedamlaje Catholic.by, zapłanavanaja raniej słužba ŭ Minskim archikatedralnym kaściole 21 vieraśnia adbudziecca ŭsio adno. Jaje pačatak zapłanavany na 10:30.

Metaj maršu było pryciahnuć uvahu da abarony tradycyjnych siamiejnych kaštoŭnaściaŭ i žyćcia nienarodžanych dziaciej. Arhanizatarami Marša vystupili hramadskaje dabračynnaje abjadnańnie «Centr padtrymki siamji i maciarynstva «Matula», bresckaje maładziožnaje kulturna-aśvietnaje hramadskaje abjadnańnie «U abaronu žyćcia i siamiejnych kaštoŭnaściaŭ», dabračynny miascovy fond «Adkrytyja sercy», paviedamlaje Bchd.info.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?