Pozna nočču 18 žniŭnia supracoŭnikam DAI ŭ Ščučynie daviałosia prymianić zbroju, kab spynić pjanaha kiroŭcu na «Chonda CRV», paviedamlaje sajt DAI Hrodna i Hrodzienskaj vobłaści.

Pa infarmacyi DAI, uciakač i nie dumaŭ spyniacca, časam jon razhaniaŭsia da 130 km/h, sychodziačy ad pahoni. Niekalki razoŭ jamu ŭdavałasia vyjechać z horada i viarnucca nazad. Jon praciahvaŭ ucioki i paśla taho, jak inśpiektary prymianili zbroju i prabili adno z kołaŭ.

U vyniku parušalnika ŭsio ž zatrymali. Im akazaŭsia žychar Minskaj vobłaści, jaki pryjechaŭ u Ščučyn u hości. Jon byŭ niećviarozy. Utrymańnie ałkaholu ŭ kryvi skłała 1,4 pramile. Na parušalnika skłali piać pratakołaŭ.

DAI Hrodzienščyny nahadvaje, što z 19 pa 25 žniŭnia pravodzicca prafiłaktyčnaja apieracyja «Pjany kiroŭca!»
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?