Paŭnočnakarejcy, jakija ŭciakli sa svajoj krainy, raspaviali speckamisii AAN pra paradki ŭ turmach KNDR.

Adzin z uciekačoŭ, Šyn Ton Juk, były viazień paŭnočnakarejskaha lahieru, jaki zdoleŭ uciačy ŭ Paŭdniovuju Kareju, raspavioŭ čalcam kamisii, što byŭ śviedkam taho, jak achoŭniki lahieru prymusili žančynu-źniavolenuju zabić jaje novanarodžanaje dzicia.

Čy Chion A, u svaju čarhu, apisaŭ, jak maci prymusili zabić ŭłasnaje dzicia. Pavodle jaho,

maci vymusili sunuć hałavu novanarodžanaha ŭ viadro z vadoj i trymać, pakul jon nie zachłynuŭsia.

Troje kamisaraŭ AAN, jakija ŭvachodziać u kamisiju, majuć namier atrymać jašče niekalki dziasiatkaŭ śviedčańniaŭ ad uciekačoŭ, jakija znachodziacca ciapier u Paŭdniovaj Karei i Japonii.

Pravieryć padobnyja pakazańni niemahčyma, Pchieńjan admaŭlaje kiepskaje abychodžańnie ź viaźniami, nie pryznaje kamisiju AAN i admaŭlajecca supracoŭničać ź joj.

Pavodle roznych acenak, u turmach i pracoŭnych lahierach u Paŭnočnaj Karei ŭtrymlivajecca 150-200 tysiač čałaviek. Mnohija ź ich pakutujuć ad hoładu, šmat viaźniaŭ pamiraje ŭ vyniku ciažkaj pracy.

Na sajcie kamisii adznačajecca, što chacia praca jaje ŭjaŭlajecca važnaj, pakul zaŭčasna kazać pra mahčymaść pryciahnieńnia lideraŭ KNDR da adkaznaści praź Mižnarodny kryminalny sud u Haazie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?