Dvaccacišaścihadovy žychar Staŭbcoŭskaha rajona, jaki pracuje ŭ minskaj pryvatnaj firmie, asudžany ŭ Pinsku za razbojny napad na znajomuju.

Jak paviedamiła staršy prakuror adździeła prakuratury Bresckaj vobłaści Łarysa Karanievič, mužčyna zadumaŭ abrabavać znajomuju pinčanku, jakaja źjaŭlajecca indyvidualnym pradprymalnikam i zajmajecca zdačaj unajmy žyłych pamiaškańniaŭ na sutki.

Viedajučy pra toje, što jana moža nasić pry sabie bujnuju sumu hrošaj, mužčyna prydumaŭ, jak imi možna zavałodać.

Jon pryjechaŭ u Pinsk pa pracy i na padstavie taho, što choča źniać u horadzie kvateru dla svaich siabroŭ-minčan, damoviŭsia z žančynaj ab sustrečy ŭ vybranaj im kvatery, kab nibyta pieradać apłatu za jaje. Złamyśnik, u jakoha byli klučy ad kvatery, pryjšoŭ pieršym i vykruciŭ lampačku ŭ prychožaj.

Kali žančyna ŭvajšła ŭ kvateru, jon niekalki razoŭ udaryŭ jaje pa hałavie patelniaj, šklanoj butelkaj z vadoj i pasprabavaŭ zadušyć.
U vyniku paciarpiełaj byli naniesieny cialesnyja paškodžańni ŭ vyhladzie množnych krovapadciokaŭ u vobłaści hałavy.
Paśla taho jak u kvatery źjaviŭsia hramadzianski muž žančyny, złamyśnik pasprabavaŭ uciačy. Jon skočyŭ z bałkona i złamaŭ sabie abiedźvie nahi.
Jaho zatrymali supracoŭniki milicyi, jakija prybyli na miesca zdareńnia.
14 žniŭnia sud Pinskaha rajona i horada Pinska pryznaŭ žychara Staŭbcoŭskaha rajona vinavatym va ŭčynieńni złačynstva, praduhledžanaha č. 1 art. 207 Kryminalnaha kodeksa (razboj), i pryhavaryŭ da čatyroch hadoŭ pazbaŭleńnia voli z adbyvańniem pakarańnia ŭ papraŭčaj kałonii ŭzmocnienaha režymu z kanfiskacyjaj majomaści.
Sudom ź jaho spahnana na karyść paciarpiełaj 5 młn. rubloŭ u košt kampiensacyi maralnaha ŭronu.

Raniej mužčyna sudzimy nie byŭ. Pryhavor jašče nie nabyŭ zakonnuju moc i moža być abskardžany.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?