28 žniŭnia

Nie puścili

Tacianie Sieviaryniec — maci asudžanaha ŭ Bieraści na 15 sutak palityka Paŭła Sieviarynca — nie dazvolili sustrecca z synam. Načalnik izalataru časovaha ŭtrymańnia Viktar Mielnikaŭ kateharyčna admoviŭ, spasłaŭšysia na Administracyjny kodeks.

Prysud za «supraciŭ milicyi»

Mienski haradzki sud pakinuŭ biaź źmienaŭ kryminalny prysud Kastusiu Łukašovu. Raniej jon byŭ asudžany na dva hady ŭmoŭna za nibyta ździejśnieny supraciŭ milicyi. Rajonny sud skarhu abarony nie zadavoliŭ. Ciapier admoviŭ i Mienski haradzki sud.

Likvidavali «zialonych»

Viarchoŭny sud zadavoliŭ pazoŭ Ministerstva justycyi ab likvidacyi dziejnaści biełaruskaj ekalahičnaj partyi zialonych «BEZ».

Alejnik zmoža

Rektar Vyšejšaj škoły ekanomiki Siarhiej Karahanaŭ daŭ zhodu na zaličeńnie na fakultet dziaržaŭnaha i municypalnaha kiravańnia byłoha studenta Akademii kiravańnia pry prezydencie Jurasia Alejnika, jakoha adličyli z VNU pa palityčnych matyvach.

29 žniŭnia

Ciškievič admovili

UUS Maskoŭskaha rajonu Miensku admoviła moładzievaj aktyvistcy Tacianie Ciškievič u zaviadzieńni kryminalnaj spravy pa fakcie jaje źbićcia supracoŭnikami pałka milicyi specyjalnaha pryznačeńnia (były AMAP). Dziaŭčynu źbili ŭ Dzień salidarnaści 16 žniŭnia, kali jana sprabavała baranić moładzievaha lidera Mikitu Sasima, schoplenaha milicyjantami ŭ cyvilnym.

Mitynh u Kurapatach

U Miensku i inšych haradach adbylisia akcyi pamiaci zahinułych u hady stalinskich represijaŭ. Akcyja prachodzić 29 dnia štomiesiac z nahody masavaha rasstrełu biełaruskich piśmieńnikaŭ 29 kastryčnika 1937 h. Niekalki dziasiatkaŭ čałaviek uskłali kvietki i zapalili śviečki la kryžoŭ u Kurapatach.

30 žniŭnia

Za movu na miažy

30 bazavych vieličyniaŭ štrafu (930 tys. rub.) dali homielskamu aktyvistu Siarhieju Siamionavu za patrabavańnie pradstavić jamu na miažy biełaruskamoŭny blank mytnaj deklaracyi. Takoje rašeńnie vyniesła sudździa Centralnaha sudu Homiela Maryna Damienka.

Specnaz razahnaŭ

U Mahilovie zatrymańniem skončyłasia śviatkavańnie dnia narodzinaŭ moładzievaj aktyvistki Taciany Bułanavaj. Vosiem bajcoŭ zvodnaj roty chutkaha reahavańnia pad kiraŭnictvam majora Siarhieja Andrejenki niečakana blakavali haściej Taciany ŭ lesaparkavaj zonie dy pačali dahladać asabistyja rečy. Častku ludziej zatrymali dy dastavili ŭ RUUS Mahiloŭskaha rajonu. Nie znajšoŭšy začepki dla składańnia pratakołu, milicyjanty vyklikali supracoŭnika MNS, jaki skłaŭ pratakoł pa fakcie raspalvańnia vohnišča ŭ nieadpaviednym miescy.

Źniali ź ciahnika

Pozna ŭviečary supracoŭniki milicyi Asipovičaŭ zatrymali aktyvista Moładzi BNF Arcioma Dubskaha na vychadzie ź ciahnika j prapanavali prajści ŭ pastarunak u jakaści śviedki. Arciom admoviŭsia, ale ŭ pastarunak jaho ŭsio adno adviali dy skłali pratakoł vymańnia asabistych rečaŭ: hazety «Prava na Volu», knihi P.Sieviarynca «Listy ź lesu», 44 značkaŭ «Za Svabodu». Rečy adpravili na ekspertyzu.

5 vieraśnia

Na sutkach u Salihorsku buduć siadzieć Kalita i Atakułava

U Salihorsku sudzili dzieviać zatrymanych padčas akcyj salidarnaści ź Ivanam Šyłam pad ścienami salihorskaha sudu moładzievych aktyvistaŭ. Kasia Halickaja, Viktar Dzienisievič, Dzianis Karnoŭ, Źmicie Chviedaruk i Franak Viačorka atrymali pa 5 b.v. štrafu (155 tysiač rubloŭ). Taciana Bułanavu aštrafavali na 4 b.v. Źmicier Jasievič atrymaŭ papiaredžańnie. Na siem sutak za parušeńnie paradku praviadzieńnia masavych akcyj pasadzili Alesia Kalitu i Ludmiłu Atakułavu.

Клас
0
Панылы сорам
0
Ха-ха
0
Ого
0
Сумна
0
Абуральна
0