U Biełarusi dazvolili prodaž ałkaholu ŭ aŭtałaŭkach, ale zabaranili na pošcie 5

U Biełarusi dazvolili prodaž ałkaholnaj pradukcyi ŭ aŭtamahazinach, pryznačanych dla absłuhoŭvańnia žycharoŭ sielskich nasielenych punktaŭ pry ŭmovie vykanańnia imi asartymientnaha pieraliku i najaŭnaści ŭ ich uładalnikaŭ stacyjanarnaha mahazina.

Takaja norma praduhledžana źmienienym zakonam «Ab dziaržaŭnym rehulavańni vytvorčaści i abarotu ałkaholnaj, niecharčovaj pradukcyi z utrymańniem śpirtu i niecharčovaha etyłavaha śpirtu», paviedamiŭ ministr handlu Biełarusi Valancin Čakanaŭ 24 lipienia na pres-kanfierencyi ŭ Minsku.

Pavodle jaho słoŭ, zakonam zabaraniajecca prodaž ałkaholu ŭ handlovych abjektach, jakija ŭjaŭlajuć saboj častku nieizalavanaj handlovaj płoščy, kali pradaviec nie źjaŭlajecca ŭładalnikam hetaha mahazina.

Zabaronieny handal ałkaholem pa pošcie, katałoham i z vykarystańniem ŚMI.

Zabaronieny prodaž ałkaholnych napojaŭ u mahazinach u raźliŭ, za vyklučeńniem śpiecyjalizavanych adździełaŭ, jakija realizujuć napoi na vynas z kiehaŭ i bočačak.

Zabaroniena akazańnie pasłuh pa dastaŭcy ałkaholnych napojaŭ fizičnym asobam.

Miascovym vykanaŭčym kamitetam dadziena prava prymać rašeńni ab abmiežavańni na terytoryi hetaj administracyjna-terytaryjalnaj adzinki času prodažu ałkaholnych napojaŭ u dni praviadzieńnia vypusknych viečaroŭ va ŭstanovach siaredniaj adukacyi, a taksama mierapryjemstvaŭ, skiravanych na papularyzacyju zdarovaha ładu žyćcia.

Zakonam dazvalajecca rabić zalik koštu šmatabarotnaj tary, jakaja viartajecca vytvorcam, u lik apłaty adhružanych ałkaholnych napojaŭ.

Prajekt zakona ab uniasieńni papravak u zakon «Ab dziaržaŭnym rehulavańni vytvorčaści i abarotu ałkaholnaj, niecharčovaj pradukcyi z utrymańniem śpirtu i niecharčovaha etyłavaha śpirtu» padpisany Alaksandram Łukašenkam 18 červienia i nabudzie moc praz paŭhoda.