Spynieńnie ekspartu rastvaralnikaŭ sioleta abumoviła nieraŭnamiernuju dynamiku vałavaha rehijanalnaha praduktu (VRP), havorycca ŭ ekanamičnym ahladzie rehijonaŭ Biełarusi, jaki ŭ lipieni padrychtavaŭ Daśledčy centr IPM.

«Istotny ŭpłyŭ na dynamiku vytvorčaści ŭ Viciebskaj vobłaści i Minsku i dynamiku aptovaha handlu Viciebskaj vobłaści akazała spynieńnie ekspartu rastvaralnikaŭ.

Adpaviedna, rezka źnizilisia abjomy vytvorčaści ŭ naftachimii, u toj čas jak u inšych vidach dziejnaści takoha hłybokaha spadu nie było», — havorycca ŭ ahladzie.

U pieršym paŭhodździ, pavodle danych Biełstata, VRP Viciebskaj vobłaści źniziŭsia na 4 pracentnyja punkty ŭ paraŭnańni z anałahičnym pieryjadam minułaha hoda. U toj ža čas letaś, kali isnavaŭ rastvaralny biźnies, tempy ekanamičnaha rostu ŭ Viciebskaj vobłaści byli samymi vysokimi ŭ krainie. Tak, u pieršym paŭhodździ 2012-ha rost VRP Viciebskaj vobłaści składaŭ 21%.

Nahadajem, u 2012 hodzie Biełaruś ekspartavała 3,25 młn. ton rastvaralnikaŭ i razbavicielaŭ na 2,8 młrd. dołaraŭ (na 77% bolš, čym u 2011 hodzie).

Rezki rost ekspartu rastvaralnikaŭ vyklikaŭ padazreńnie ŭ rasijskaha boku, jaki zapadozryŭ, što Biełaruś pačała pastaŭlać naftapradukty na źniešnija rynki pad vidam rastvaralnikaŭ i razbavicielaŭ, nie vypłačvajučy pošliny ŭ rasijski biudžet.

U žniŭni 2012-ha pa patrabavańni rasijskaha boku ekspart biełaruskich rastvaralnikaŭ u vialikich abjomach byŭ spynieny, što pryviało da źnižeńnia tempaŭ ekanamičnaha rostu ŭ Viciebskaj vobłaści i ŭ cełym u biełaruskaj ekanomicy.

Varta adznačyć, što sioleta nivodnaja z abłaściej Biełarusi nie zmahła zabiaśpiečyć daviedzienyja ŭradam zadańni pa tempach ekanamičnaha rostu.
Nahadajem, na 2013 hod u Biełarusi byŭ zapłanavany temp rostu VUP na ŭzroŭni 8,5%, u tym liku rost VRP Bresckaj vobłaści prahnazavaŭsia na ŭzroŭni 9,9%, Viciebskaj — na 7,5%, Homielskaj — na 6,5%, Hrodzienskaj — na 9,4%, Minskaj — na 8%, Mahiloŭskaj — na 8,7%.
Faktyčna za pieršaje paŭhodździe 2013-ha rost VUP Biełarusi skłaŭ 1,4%,
a ŭ abłaściach było zafiksavana źnižeńnie tempaŭ ekanamičnaha rostu abo niaznačny rost u paraŭnańni ź pieršaj pałovaj 2012-ha.

«Patencyjalnyja tempy ekanamičnaha rostu Biełarusi, pavodle našych acenak, składajuć 4–5%. Z ulikam biahučaj ekanamičnaj kanjunktury i našaha patencyjału zadača pa roście VUP, pastaŭlenaja na biahučy hod, pieršapačatkova zdavałasia niedasiahalnaj. Takoje śćviardžeńnie spraviadlivaje i ŭ dačynieńni da rehijonaŭ», — prakamientavaŭ BiełaPAN vyniki pieršaha paŭhodździa ekanamist Daśledčaha centra IPM Hleb Šymanovič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?