Taćciana i Alaksandar Ziałko.

Taćciana i Alaksandar Ziałko.

Fota pastanovy. Całkam ź joj možna aznajomicca tut.

Fota pastanovy. Całkam ź joj možna aznajomicca tut.

Pry zatrymańni ŭ ich zabrali 1453,25 eŭra i pracoŭny noŭtbuk Alaksandra. Hetyja hrošy sud pryznaŭ biazvypłatnaj zamiežnaj dapamohaj, i pensijanerka atrymała 50 bazavych adzinak štrafu.

Zatrymlivała maci i syna hrupa ŭ 20 čałaviek. Pa słovach Ziałko, kiravaŭ aperacyjaj major DFR KDK, prysutničali supracoŭniki AMAP. Tacianu i Alaksandra dapytvali čatyry z pałovaj hadziny.

Vynikam raśśledavańnia stała administracyjnaja sprava, pavodle jakoj Taciana Ziałko była abvinavačanaja ŭ atrymańni biazvypłatnaj zamiežnaj dapamohi dla arhanizacyi i praviadzieńnia palityčnaj i ahitacyjna-masavaj pracy siarod nasielnictva.

U pastanovie sudu ad 12 červienia havorycca, što Taciana Ziałko viała dziejnaść, nakiravanuju na «dasiahnieńnie palityčnych metaŭ (źmienu ciapierašniaha režymu», źviartałasia da mižnarodnych orhanaŭ z prośbaj ab niepryznańni vybaraŭ 19 śniežnia 2010 hodu i «ŭstalavańni vizavych sankcyjaŭ u dačynieńni da šerahu dziaržaŭnych słužačych Respubliki Biełaruś».

Sama Taciana Ziałko nia moža patłumačyć, čym vyklikanaja takaja cikavaść pravaachoŭnych orhanaŭ da jaje.

Ziałko: «U nas tak šmat palitykaŭ, a čamuści pryčapilisia da pensijanerki. Napiaredadni ja sustrakałasia z Anhiełaj Merkiel i Fiule pa svaich „pensijanerskich spravach“ i pa dyjalohu ab madernizacyi, bo ja ščylna ŭ hetym zadziejničanaja. A moža, prosta tamu, što ja nikoli nie maŭču».

Sama Taciana — staršynia inicyjatyvy pa stvareńni arhanizacyi biełaruskich pensijaneraŭ «Naša pakaleńnie». Jaje syn Alaksandar — adkazny sakratar hetaj arhanizacyi. Materyjały ź jahonaha noŭtbuka stali padstavaj dla abvinavačańnia. Noŭtbuk, darečy, viarnuli tydzień tamu.

«Ciapier zusim nie abaviazkova kala ambasady ci na miažy łavić, — kaža Sapiełka. — Možna ŭ lubym miescy spynić čałavieka, vyśvietlić, što jon zajmajecca hramadzkaj i palityčnaj dziejnaściu, zabrać hrošy i abvinavacić jaho ŭ administracyjnym pravaparušeńni».

Pravaabaronca Pavał Sapiełka adznačaje, što takoje dziejańnie stała supraćzakonnym paśla taho, jak u listapadzie 2011 hodu byli ŭniesienyja źmieny ŭ administracyjnaje zakanadaŭstva.

«Heta byli „pakietnyja źmieny“ ŭ zakanadaŭstvie, jakija istotna abmiažoŭvali hramadzka-palityčnuju aktyŭnaść. Byli ŭniesienyja źmieny ŭ paniatak „zdrady Radzimie“, a taksama źmieny, jakija dapoŭnili pieralik złačynstvaŭ, pa jakich byŭ asudžany Andrej Hajdukoŭ — „ustalavańnie supracoŭnictva z zamiežnaj specsłužbaj“, źmieny ŭ zakon ab masavych mierapryjemstvach, — tłumačyć Pavał Sapiełka. — Tady ž byli pryniatyja zakony, jakija pašyrali paŭnamoctvy specsłužbaŭ, u tym liku prymianieńnie imi fizyčnaj siły».

«Heta paśladoŭnyja kroki dziaržavy pa skaračeńni pravoŭ na svabodu asacyjacyj, schodaŭ, svabodu słova i tak dalej», — zaklučaje pravaabaronca.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?