Fiederacyja futboła Italii abviaściła pra dyskvalifikacyju 20 futbalistaŭ, zamiašanych u spravie ab arhanizacyi damoŭnych matčaŭ, paviedamlaje La Gazzetta dello Sport. U hety śpis trapiŭ i biełaruski forvard Vital Kutuzaŭ.

Usie pakaranyja hulcy prachodzili pa spravie ab matčach «Bary» suprać «Treviza» (0:1, maj 2008 hoda) i «Salernitany» (2:3, maj 2009 hoda).

Usie futbalisty pryznanyja vinavatymi albo ŭ arhanizacyi damoŭnych matčaŭ, albo ŭ admovie ab infarmavańni futbolnych orhanaŭ i palicyi ab padrychtoŭcy takich hulniaŭ.

Bolšaja častka futbalistaŭ atrymała dyskvalifikacyi na termin bolš za 3 hady, niekatoryja — na termin mienš za hod, paviedamlaje Goals.by.

Vital Kutuzaŭ naradziŭsia ŭ 1980 h. u Pinsku. Hulaŭ za BATE, u 2001 h. pierajšoŭ u «Miłan», dzie nie zamacavaŭsia, hulaŭ u partuhalskim «Sportynhu», italjanskich «Avielina», «Sampdoryi», «Parmie», «Pizie». Z 2009 pa 2012 h. hulaŭ za «Bary». U 2002 — 2011 hh. hulec nacyjanalnaj zbornaj Biełarusi.

Apošnija paŭtara hoda nie vystupaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0