14 lipienia na piešachodnaj vulicy Karła Marksa ŭ Minsku prajšła dabračynnaja chip-chop akcyja dla zboru achviaravańniaŭ baćkam Piatra Hrybanava.
Trynaccacihadovy chłopčyk zahinuŭ na minułym tydni u DTZ u Vałynskaj vobłaści, kali jechaŭ u Bałharyju ŭ składzie minskaha dziciačaha tancavalvaha kalektyva.
U ramkach akcyi prajšli chip-chop batły, džemy i tancy ŭdzielnikaŭ kamandaŭ Pas Team, Hunters, LilKillaz, Mad Rabbit i inš. u pamiać pra zahinułaha chłopčyka.
U čas mierapryjemstva luby achvotny moh achviaravać hrošy, jakija paśla akcyi pieradali baćkam Piatra.

Ludzi apynulisia nieabyjakavymi da čužoha hora, tamu achviaravali vialikija sumy dla siamji Piatra.

***

    Trahiedyja na aŭtadarozie Damanava — Koviel adbyłasia 11 lipienia kala 7.30 ranicy. Za 30 km ad Koviela sutyknulisia turystyčny aŭtobus, jaki pieravoziŭ dziciačy chareahrafičny kalektyŭ ź Minska na bałharski kurort «Čarnamorac», i rejsavy aŭtobus, jaki jechaŭ z Łucka ŭ Šack. U vyniku łabavoha sutyknieńnia zahinuli 8 čałaviek, u tym liku abodva kiroŭcy, 12-hadovy biełaruski chłopčyk Piotr Hrybanaŭ i piaciora pasažyraŭ — hramadzian Ukrainy. Kala 30 čałaviek paciarpieli.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?