Sud pa spravie eks-kandydata ŭ prezidenty Uładzimira Niaklajeva pryznačany na 25 lipienia. Jak paviedamiŭ Niaklajeŭ, ranicaj 16 lipienia jon atrymaŭ pozvu. Pasiadžeńnie pačniecca ŭ 10 ranicy ŭ sudzie Leninskaha rajona Minska.

20 maja 2011 hoda Niaklajeŭ byŭ asudžany da dvuch hadoŭ pazbaŭleńnia voli z adterminoŭkaj vykanańnia prysudu na dva hady. Rašeńnie abviaściła sudździa suda Frunzienskaha rajona Minska Žanna Žukoŭskaja. Niaklajeŭ byŭ pryznany vinavatym pa č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł udzieł u ich).

22 lipienia 2011 hoda kalehija Minskaha haradskoha suda pakinuła vyrak Frunzienskaha suda bieź źmienaŭ.

***

10 lipienia hetaha hoda sud Centralnaha rajona razhladaŭ zajavu Niaklajeva ab raspačynańni kryminalnaj spravy ŭ dačynieńni da asob, jakija napali na eks-kandydata 19 śniežnia 2010 hoda. U toj ža dzień, padčas ruchu z kałonaj aktyvistaŭ apazicyi na Kastryčnickuju płošču, dzie płanavaŭsia mitynh, na Niaklajeva i jaho prychilnikaŭ napali nieviadomyja ŭ čornym adzieńni i maskach. Ad udaraŭ palityk straciŭ prytomnaść i byŭ dastaŭleny ŭ balnicu chutkaj miedycynskaj dapamohi z čerapna-mazhavoj traŭmaj siaredniaj ciažaru. Z balnicy jaho advieźli ŭ SIZA.

Sud Centralnaha rajona Minska nie znajšoŭ padstaŭ dla admieny pastanovy prakuratury ab admovie ŭ raspačynańni kryminalnaj spravy pa fakcie napadu na Niaklajeva.

Palityk maje namier abskardzić heta rašeńnie ŭ Minskim haradskim sudzie.

Uładzimir Niaklajeŭ nieadnarazova źviartaŭsia ŭ roznyja instancyi z patrabavańniem raspačać kryminalnuju spravu pa fakcie źbivańniaŭ, adnak nidzie, u tym liku ŭ prakuratury, jaho skarha nie była padtrymana.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?