Prezidentu Izraila Šymonu Pieresu ŭračysta ŭručana pamiatnaje paśviedčańnie ab naradžeńni, jakoje paćviardžaje fakt naradžeńnia adnaho z samych viadomych palitykaŭ sučasnaści 2 žniŭnia 1923 hoda na biełaruskaj ziamli ŭ vioscy Višnieva.

Pamiatnaje paśviedčańnie było ŭručana Pieresu ŭ rezidencyi kiraŭnika izrailskaj dziaržavy načalnikam upraŭleńnia Afryki i Blizkaha Uschodu Ministerstva zamiežnych spraŭ Biełarusi Iharam Laščeniem, jaki raniej na praciahu šaści hadoŭ uznačalvaŭ biełaruskaje dypłamatyčnaje pradstaŭnictva ŭ Izraili. U cyrymonii ŭziaŭ udzieł hanarovy pasoł Biełarusi ŭ Izraili Anatol Motkin.

Padčas sustrečy ź Pieresam Laščenia padkreśliŭ, što prezidenta Izraila zaŭsiody rady bačyć na jaho małoj radzimie.

Vydača pamiatnaha paśviedčańnia stała adnym z šerahu mierapryjemstvaŭ, arhanizavanych u Biełarusi ŭ suviazi z 90-hodździem słavutaha ziemlaka.

29 maja ŭ Višnievie (Vałožynski rajon, Minskaja vobłaść) u prysutnaści dački kiraŭnika izrailskaj dziaržavy Ćvii Valden była adkryta pamiatnaja doška na domie, u jakim naradziŭsia i vyras prezident Izraila. U toj ža dzień u Višnievie adbyłosia adkryćcio śpiecyjalnaj fotavystavy «Šymon Pieres: šlach ad Vilenskaj vulicy ŭ Višnievie na Prezidenckuju vulicu ŭ Ijerusalimie».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?