Voziera Naračpa-raniejšamu zaražana cerkaryjozam, paviedamiła zahadčyca adździaleńnia kamunalnaj hihijeny dziaržaŭnaj ustanovy «Respublikanski centr hihijeny, epidemijałohii i hramadskaha zdaroŭja» Iryna Žaŭniak napres-kanfierencyi ŭ Minsku 10 lipienia.
«Narač takaja ž, jak i ŭ papiarednija hady: tut jość prablema cerkaryjozu», — zajaviła Žaŭniak. Pavodle jaje słoŭ, Narač źjaŭlajecca adzinym vozieram u krainie, zaražanym cerkaryjozam, što źviazana «z pakatym spuskam u vadu, kali ad bieraha da vialikaj hłybini vialikaja adlehłaść». Na niehłybokich miescach vada prahravajecca, i adbyvajecca aktyvizacyja mikraarhanizmaŭ. Taksama ich raźvićciu spryjaje razrastańnie vodnaj raślinnaści, «praca pa vydaleńni jakoj pieryjadyčna pravodzicca».
Pavodle słoŭ śpiecyjalista, sansłužba nie abmiažoŭvaje kupańnie ŭ Naračy ŭ suviazi z raspaŭsiudžvańniem cerkaryjozu. «Heta nie infiekcyjnaje, a alerhičnaje zachvorvańnie, jakoje nie abaviazkova ŭźnikaje ŭ kožnaha čałavieka.Tamu raspaŭsiudžvańnie cerkaryjozu nie źjaŭlajecca pryčynaj dla zabarony kupańnia z hihijeničnaha i epidemijałahičnaha punkta hledžańnia», — skazała Žaŭniak.
Jana adznačyła, što cerkaryjoz pieranosiać vadapłaŭnyja ptuški, adnym sa źvionaŭ jaho pieradačy čałavieku źjaŭlajucca maluski. Zachvorvańnie ŭjaŭlaje saboju alerhičnuju reakcyju: na ciele čałavieka źjaŭlajecca syp, puchiry, jon adčuvaje słabaść, hałavakružeńnie. Praz 7–10 dzion hetyja simptomy źnikajuć — ličynki ŭ ciele čałavieka hinuć. «Zachvorvańnie, — rastłumačyła śpiecyjalist, — niepryjemnaje, źviazanaje z mocnym śvierbam, u dziaciej u suviazi ź niedaskanałymi adaptacyjnymi miechanizmami mahčyma pavyšeńnie tempieratury. Lačeńnie pravodzicca z prymianieńniem zvyčajnych antyhistaminnych preparataŭ».
Dla praduchileńnia zachvorvańnia nieabchodna, adznačyła Žaŭniak, najpierš pryniać duš paśla kupańnia ŭ Naračy. Pavodle jaje słoŭ, bolšaść plažaŭ na voziery ŭładkavany letnimi dušami na bierazie.
