Jak paviedamiŭ 20 červienia na sustrečy z žurnalistami načalnik UDAI HUUS Minharvykankama Dźmitryj Karziuk, hety typ transpartu źjaŭlajecca avaryjna niebiaśpiečnym, ale im kirujuć hałoŭnym čynam «maładyja ludzi, jakija nie zusim razumiejuć, što jany robiać i da čaho heta moža pryvieści». Pavodle mierkavańnia Karziuka, matacykły — «heta mahutnyja mašyny, jakimi mohuć kiravać nie ŭsie».

«Jość paradak rehistracyi transpartu. Vierahodna, dla matacykłaŭ jaho treba budzie źmianić, až da taho, što pry vyjeździe z mytnaha terminała jany pavinny być užo zarehistravanyja. Ale heta pakul tolki prapanova», — skazaŭ kiraŭnik staličnaj DAI.

Havoračy ab pavieličeńni kolkaści darožna-transpartnych zdareńniaŭ z udziełam matacyklistaŭ, Karziuk adznačyŭ, što staličnaja DAI ŭžo «pryniała peŭnyja miery reahavańnia» u suviazi z hetym, ale nie staŭ raskryvać, jakija mienavita.

Pavodle jaho słoŭ, supracoŭniki DAI pavodziać siabie z vadzicielami hetak ža, jak jany staviacca da zakanadaŭstva. «Z zakonapasłuchmianymi ludźmi my absalutna łajalnyja i ŭ miežach zakona vykanajem usio, što nieabchodna. Tyja, chto parušaje praviły darožnaha ruchu, buduć pryciahvacca da adkaznaści», — padkreśliŭ jon.

Nahadajem, apošnim časam na darohach Biełarusi pačaścilisia darožna-transpartnyja zdareńni z udziełam matacyklistaŭ, a ŭ noč na 16 červienia ŭ Minsku 23-hadovy matacyklist naśmierć źbiŭ piešachoda na rehulavanym pierachodzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?