Čatyry dni milicyja šukała chłopčyka-šaścikłaśnika i jaho 16-hadovuju stryječnuju siastru, jakija ŭciakli z doma ŭ vioscy Kołpień Łojeŭskaha rajona i admovilisia viartacca ŭ siamju.

Dzieci byli znojdzieny ŭ vioscy Prakisiel susiedniaha Rečyckaha rajona ŭ svajakoŭ.

Pieršapačatkova dzieci adpravilisia na rybałku, ale vyrašyli dadomu nie viartacca. Tryvohu padniali nastaŭniki. Dziaciej šukali milicyjaniery, pamiežniki, piedahohi škoły. U dziaŭčynki z saboj byŭ mabilny telefon, ale na kantakt jana nie išła.

Dzieci viedali, što ich šukajuć, ale chavalisia.

Jak paviedamiŭ načalnik Łojeŭskaha RAUS Uładzimir Buchaŭcoŭ, zaraz milicyja pravodzić pravierku pa fakcie sychodu dziaciej z domu, pryčynaj jakoha, pavodle ich słoŭ, stała niespryjalnaja situacyja ŭ siamji.

Jak paviedamili ŭ Kołpieńskaj škole, baćki chłopčyka i dziaŭčynki, jakija vychoŭvajucca ŭ roznych siemjach, znachodziacca na ŭliku jak niepaśpiachovyja. Kali chłopčyk nie pryjšoŭ u škołu, baćki skazali nastaŭnikam, što jon pajšoŭ na rybałku. Kali jon nie źjaviŭsia ŭ škole i nastupnym dniom, baćki paviedamili, što nie viedajuć, dzie syn, i nie šukali jaho, bo zaniatyja pasadkaj bulby.

Pieršuju noč dzieci praviali ŭ znajomych u susiedniaj vioscy, a zatym adpravilisia pieški da babuli ŭ viosku Prakisiel Rečyckaha rajona, prykładna za 40 kiłamietraŭ ad doma.
Adnak dabraŭšysia da vioski, dzieci pajšli nie da babuli, a da dziadźki, jaki žyvn pa susiedstvie, dzie ich i znajšła milicyja. Dadomu jany viartacca nie chacieli i napisali zajavu, kab ich zabrali ŭ prytułak.

Pakul dzieci časova znachodziacca ŭ prytułku (sacyjalna-piedahahičnym centry).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?