Pratestancki pastar Ernst Sabiła kaža, što carkvu, jakuju jon buduje ŭ Asipovičach nieŭzabavie mohuć adabrać miascovyja čynoŭniki.

“Pavodle ŭkaza Łukašenki, ułaśniki jakija nabyli ziamielnyja ŭčastki dla budaŭnictva, musiać zaviaršyć hetaje budaŭnictva ŭ trochhadovy termin. Kali ž nie dabuduješ — ciabie pavodle taho ž zakona i papiaredžvać nie pavinny. Prosta źbirajuć nieabchodnyja dakumienty i vyklikajuć u sud, dzie staviać pierad faktam. Pa susiedstvu sa mnoju ŭžo byŭ taki vypadak: čałaviek uziaŭ ziamlu, ale praź niedachop hrošaj nie zmoh pabudavać dom. I ŭ jaho adabrali ziamlu”, — raskazaŭ pastar Sabiła.

“Raniej, praŭda, treba było zdać budynak całkam, z usimi kamunikacyjami. Ciapier dastatkova padmurka, ścienaŭ i dachu.

Budavać dom ja pačaŭ užo piensijanieram, invalidam druhoj hrupy. Ale tady byli niejkija srodki. Ciapier ich niama, a dom hatovy na 78% — miesca, dzie ja žyvu z žonkaj. A astatniaja častka isnuje tolki ŭ vyhladzie padmurka.

Kali ja jaho nie dabuduju, jaho mohuć adabrać. Tamu ja i zalamantavaŭ pierad usim śvietam z praciahnutaj rukoj, kab ludzi, nieabyjakavyja da Biełaruščyny, praciahnuli choć jakuju kapiejku. Bo hety dom nie prosta carkva, heta prytułak dla biednych biełarusaŭ. Tut źbirajecca miascovaje adździaleńnie Tavarystva biełaruskaj movy, siudy pryjazdžali Ulidzimir Arłoŭ, Nina Stužynskaja...

Ja padličyŭ, što mnie patrebna prykładna 10 tysiačaŭ dalaraŭ, kab pastavić choć chlipieńkija ścieny i dach. Adnak heta zdymie kajdanki z maich ruk i nadzienie ich na ruki čynoŭnikaŭ, jakija ŭžo nie zmohuć adabrać dom.
Pakul, dziakuj bohu, u mianie jašče jość kala dvuch hadoŭ”, — padsumavaŭ Sabiła.

* * *

Pieraličyć srodki možna pa adrasie: 213760, Mahiloŭskaja vobłaść, h.Asipovičy, vuł.Leninskaja 40 Sabiłu Ernstu Kanstancinaviču.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?