Pamior 40-hadovy movaznaŭca i žurnalist Juraś Bušlakoŭ 51

Paśla doŭhaj i pakutnaj chvaroby pamior movaznaviec i žurnalist Juraś Bušlakoŭ.

29 maja jamu spoŭniłasia 40 hadoŭ. Jon naradziŭsia ŭ 1973 u Minsku. Da 10-ha kłasa jon movy nie vyvučaŭ, byŭ vyzvaleny ad jaje, jak mnohija minskija dzieci 1980-ch. A paśla litaralna zakachaŭsia ŭ movu i pajšoŭ vučycca na biełaruskaje adździaleńnie fiłfaka. Bliskučy rozum, jon zachaplaŭ adnakurśnikaŭ i vykładčykaŭ. Vučyŭsia jon na adnym kursie z redaktaram «Arche» Valeram Bułhakavym.

Jon pierakapaŭ litaralna ŭsio, što było napisana pra biełaruskuju movu. Jon adkryvaŭ dla ajčynnaha čytača mnohija pracy biełaruskich emihrantaŭ. Byŭ adnym z udzielnikaŭ pracoŭnaj hrupy pa vypracoŭcy normaŭ kłasičnaha pravapisa biełaruskaj movy.

U studenckuju paru jaho cikaviŭ moŭny puryzm i dysiertacyju jon abaraniŭ na temu movatvorčych praktyk Janki Stankieviča. Vykładaŭ niejki čas na rodnym fiłfaku i ŭ Kołasaŭskim licei.

A karjeru sabie abraŭ žurnalisckuju. Pracavaŭ na Radyjo 101,2, paśla na radyjo «Svaboda». Žyŭ u Prazie, budavaŭ u ipateku kvateru… Chvaroba pryjšła niečakana. Jon byŭ rudy, a ŭ takich ludziej čaściej zdarajecca rak skury. Adzin raz jon chvarobu adoleŭ, ale biada viarnułasia. Kalehi zrabili dla Jurasia ŭsio, što zmahli, ale rady nie dali.

Pierad samym skonam jon viarnuŭsia ŭ Minsk.

U jaho ŭ Minsku zastaŭsia syn. Moža być, niekali jon praciahnie toje, što nie darabiŭ tata.

Hetuju dyktoŭku jon nadyktoŭvaŭ užo ciažka chvorym. Hladzicie na videa:

«Naša Niva» vykazvaje ščyryja spačuvańni siamji i siabram sp.Bušlakova.

0

0

0

0

0

0