Svoj zvarot Devid Suorc ahučyŭ na XXVIII sesii Rady Biełaruskaj Narodnaj Respubliki, jakaja adbyłasia ŭ Ńju-Jorku 2 červienia.
Na pačatku svajho vystupu na sesii Devid Suorc zajaviŭ: «Palityka Ameryki adnosna Biełarusi, pačynajučy ź siaredziny 1990-ch hadoŭ, nia mieła amal nijakaha stanoŭčaha ŭpłyvu na dyktatarski režym Alaksandra Łukašenki. Jaho aŭtakratyčnaje kiravańnie pieratvaryłasia ŭ asabliva žorstki i dyktatarski režym.ZŠA aficyjna zajavili, što prezydenckija vybary ŭ Biełarusi ŭ śniežni 2010 hodu prajšli z surjoznymi parušeńniami i, adpaviedna, Łukašenka nie źjaŭlajecca lehitymnym prezydentam Biełarusi. Jon adkazaŭ samymi žorstkimi da hetaha času represijami suprać demakratyčnaj apazycyi ŭ Biełarusi.
Dla Złučanych Štataŭ pryjšoŭ čas pašukać sapraŭdy demakratyčnaha pradstaŭnictva Biełarusi ŭ inšym miescy. Kažučy kankretna — dy z usioj surjoznaściu i adkaznaściu za słovy — ja zaklikaju Złučanyja Štaty nadać farmalnaje dyplamatyčnaje i jurydyčnaje pryznańnie Radzie Biełaruskaj Narodnaj Respubliki jak zakonnaj uładzie krainy».
Dalej Devid Suorc koratka nahadaŭ histaryčnyja abstaviny ŭźniknieńnia Rady BNR, adznačajučy, što ad 1919 hodu Rada BNR dziejničaje jak demakratyčny ŭrad u vyhnańni, jaki ŭklučaje ŭ sabie jak vykanaŭčy, tak i zakanadaŭčy kampanenty. Pad kaniec 2012 hodu, dadaŭ Suorc, lidery biełaruskaj apazycyi padpisali sa staršynioj Rady BNR memarandum, «u jakim pryznali viadučuju rolu Rady BNR u viartańni svabody i demakratyi ŭ Biełarusi dy paabiacali svaju poŭnuju padtrymku i supracoŭnictva».
Pavodle Suorca, isnujuć šmatlikija precedenty ŭ dyplamatyčnaj historyi ZŠA, kali Vašynhton pryznavaŭ urady ŭ vyhnańni. U hetaj suviazi były amerykanski dyplamat nahadaŭ pryznańnie, jakoje ZŠA nadali polskamu ŭradu ŭ vyhnańni paśla zachopu Polščy nacysckaj Niamieččynaj u 1939 hodzie.Suorc taksama pryvioŭ prykład dyplamatyčnaha pryznańnia, nadadzienaha Vašynhtonam uradam niezaležnaj Litvy, Łatvii i Estonii, jakija apynulisia ŭ vyhnańni paśla dałučeńnia Stalinam hetych krainaŭ da SSSR.
Suorc spasyłajecca na jašče adzin precedent u najnoŭšaj dyplamatyčnaj historyi ZŠA (jaki nazyvaje «ryzykoŭnym»), kali amerykanski ŭrad u śniežni letaś pryznaŭ apazycyjnuju kaalicyju ŭ Syryi jak lehitymnaha pradstaŭnika hetaj krainy na mižnarodnym forumie.
Adznačyŭšy hetyja precedenty, Suorc zaklučyŭ svoj vystup na sesii Rady BNR nastupnym čynam: «Pa ironii losu, ryzyka i vykliki, jakija stajać pierad ZŠA paśla svajho rašeńnia adnosna Syryi, pakazvajuć šlach, jakim treba iści, kab vyrašyć biełaruskuju hałavałomku.U Biełarusi nie-prezydent Łukašenka (heta aficyjny amerykanski pohlad) kiruje krainaj z štoraz bolšaj tyranijaj z 1994 hodu (kali jon pieramoh na prezydenckich vybarach, jakija tady mahčyma było razhladać jak svabodnyja i spraviadlivyja). Na praciahu šmatlikich hadoŭ ZŠA patracili dziasiatki miljonaŭ dalaraŭ na nieefektyŭnyja, a na samaj spravie kontrpraduktyŭnyja prajekty „dapamohi“. U vyniku atrymali dyktatara, jaki, jak padajecca, ciapier kantraluje krainu jašče macniej, čym tady, kali pryjšoŭ da ŭłady. Nastupstvy prezydenckich „vybaraŭ“ u śniežni 2010 hodu — raźviazany Łukašenkam teror KDB, ad jakoha nia byŭ zastrachavany nichto, uklučna z kandydatami ŭ prezydenty — prademanstravaŭ sumnuju praŭdu, što Zachad niazdolny ažyćciavić pazytyŭnyja hramadzkija pieramieny ŭ Biełarusi.
Nastaŭ čas dla bolš radykalnaha padychodu, całkam u adpaviednaści z amerykanskaj palitykaj u hetym rehijonie ŭ minułym dy ź niadaŭnim precedentam u Syryi.Vilenski memarandum, jaki farmalna złučaje BNR u vyhnańni z klučavymi palityčnymi siłami apazycyi ŭnutry krainy, daje Vašynhtonu unikalnuju mahčymaść. Niachaj ciapier ZŠA pašluć Łukašenku i jahonym pasłuhačam mahutny syhnał niepryznańnia. Davajcie pryznajem biełaruski ŭrad u vyhnańni i jaho sajuźnikaŭ u krainie, jakija ŭvieś čas padzialajuć našy tradycyjnyja kaštoŭnaści demakratyi i pavahi da pravoŭ čałavieka. Niachaj našy adnoŭlenaja abaviazańni adnosna demakratyčnaha adradžeńnia Biełarusi dojduć da viedama ŭsich tych u susiedztvie krainy i dalej, jakija razhladajuć Biełaruś u jakaści pieški ŭ toj ci inšaj cyničnaj hieapalityčnaj hulni».
