Sioleta na centralizavanaje testavańnie zarehistravałasia 117768 čałaviek.
Rekordna nizkaja kolkaść abituryjentaŭ vybrała dla zdačy na teściravańni biełaruskuju movu — usiaho 33 564 (28%).
Usie apošnija piać hadoŭ hetaja ličba niaŭchilna skaračałasia. U 2012 CT pa biełaruskaj abrali 32%, u 2011 — 35%, u 2010 — 39%, u 2009 — 37%, u 2008 — 42%.
Heta vynik praviedzienaj Alaksandram Łukašenkam rusifikacyi hramadstva. Nahadajem, što ad 1999 da 2009 hoda dola biełmoŭnych skaraciłasia z 37 da 23%.
Cikava, što tendencyja źlohku mianiałasia tolki ŭ 2010 hodzie, na chvali tahačasnaha pavarotu na Zachad i da nacyjanalnych kaštoŭnaściej.
U toj ža čas jość častka abituryjentaŭ, jakaja pryncypova zdaje CT pa ŭsich pradmietach na biełaruskaj movie.
Najbolšy pakazčyk tut pa historyi Biełurusi — 19%, matematyka i fizika — pa 5%, hieahrafija — 4,5%, hramadaznaŭstva — 2%.
Chaj sabie heta nie taki vialiki pracent, ale heta ŭsio ž niemałaja supolnaść: tysiačy ludziej.
0
0
0
0
0
0