Sprava ab «ekstremisckich fota»: razhlad kasacyi pryznačany na 24 červienia

24 červienia hrodzienski abłasny sud razhladzić kasacyjnyja skarhi fatohrafaŭ i ich advakataŭ na rašeńnie suda ŭ Ašmianach ad 18 krasavika pryznać albomy «Pres-fotaBiełarusi-2011» ekstremisckimi materyjałami.

U rašeńni ab kanfiskacyi i źniščeńni albomaŭ za podpisam sudździ Alaksandra Davydava taksama havorycca pra spahnańnie z uładalnikaŭ albomaŭ «Pres-fotaBiełarusi-2011» Julii Daraškievič, Alaksandra Vasiukoviča i Vadzima Zamiroŭskaha dziaržaŭnaj pošliny pa 200 tysiač rubloŭ z kožnaha, a taksama pa 17 500 — na pakryćcio sudovych vydatkaŭ, źviazanych z razhladam spravy.

Fatohrafy z rašeńniem suda kateharyčna niazhodnyja. Jany patrabujuć admianić pastanovu i viarnuć dobraje imia kanfiskavanym albomam, jak i sami albomy ŭładalnikam.

Pozvy ŭ sud u jakaści «zacikaŭlenych asobaŭ» atrymali fatohrafy Julija Daraškievič, Vadzim Zamiroŭski i Alaksandr Vasiukovič. Mienavita ŭ ich 12 listapada 2012 hoda supracoŭniki pamiežnaha pierachodu «Kamienny łoh» zabrali 41 asobnik fotaalboma «Pres-fota Biełarusi 2011», jaki žurnalisty pieravozili na pryvatnym aŭtamabili ź Litvy.

0

0

0

0

0

0

Pavodle baj.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH