Za 4 miesiacy hetaha hoda ŭ Viciebskaj vobłaści ździejśniena 149 złačynstvaŭ karupcyjnaj skiravanaści. Bolš čym pałova ź ich — chabary.

Hetyja ličby pryvodzilisia na pasiedžańni kruhłaha stała ŭ prakuratury Viciebskaj vobłaści, na jakim prakurory razam ź biznesoŭcami, pramysłoŭcami i pradstaŭnikami orhanaŭ ułady šukali sumiesnyja šlachi baraćby z karupcyjaj. Padčas pasiedžańnia adznačałasia, što kolkaść vyjaŭlenych złačynstvaŭ karupcyjnaj skiravanaści ŭ Viciebskaj vobłaści raście treci hod zapar, i zakryvać vočy na hetuju prablemu ŭžo prosta nieprystojna.

Ludzi za chabar uładkoŭvajucca na pracu, zdajuć ekzamieny, atrymlivajuć balničnyja listy, prachodziać dziaržtechahlad…
Čaściej za ŭsio, pavodle dadzienych prakuratury Viciebskaj vobłaści, karupcyjnyja złačynstvy fiksujucca ŭ śfierach pramysłovaści, budaŭnictva, sielskaj haspadarki, ustanovach achovy zdaroŭja i adukacyi.

Jak adznačyŭ prakuror Viciebskaj vobłaści Hienadź Dysko, antykarupcyjnaje zakanadaŭstva maje patrebu va ŭzmacnieńni. U pryvatnaści, jon prapanavaŭ zrabić abaviazkovaj kanfiskacyju majomaści paśla asudžeńnia čałavieka za karupcyjnaje złačynstva. Pakul hetaja norma vykarystoŭvajecca nie va ŭsich vypadkach. Akramia taho, prakuror źviarnuŭ uvahu na toje, što asobnyja našy suhramadzianie majuć šykoŭnyja asabniaki i darahija inšamarki, aficyjna atrymlivajučy niaznačny prybytak. Jon prapanuje ŭnieści ŭ zakanadaŭstva normu, jakaja abaviaža takich hramadzian dakazvać atrymańnie imi srodkaŭ na darahija pakupki, a ŭ vypadku, kali heta dakazać niemahčyma, uviadzie kanfiskacyju darahoj majomaści ŭ dachod dziaržavy. Biez jakich-niebudź dokazaŭ, što hetaja majomaść nabytaja złačynnym šlacham.

Varta adznačyć, što takaja prapanova supiarečyć asnovatvornamu pryncypu kryminalnaha sudavodstva — prezumpcyi nievinavataści, pavodle jakoj čałaviek nie pavinien dakazvać, što jon nie złačynca.
Mienavita pa takim pryncypie viałosia raskułačvańnie sialan u časy Stalina, kali dla kanfiskacyi majomaści chapała tolki taho faktu, što čałaviek žyvie lepš za inšych.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?