Dzieviać «deputataŭ» inicyjujuć uviadzieńnie zabarony na prodaž tak zvanych enierhietykaŭ.
Jany ličać, što ŭžyvańnie enierhatonikaŭ (1 banka taho ž «Biorna» roŭnaja 8 kubkam kavy) — heta pramy šlach da zaležnaści i ŭžyvańnia amfietaminaŭ. I prapanoŭvajuć prodaž enierhatonikaŭ zabaranić. Podpisy pad adpaviednym zvarotam da dziaržsakratara Rady biaśpieki Leanida Malcava pastavili deputaty: Uładzimir Vasilenka, Valeryj Hušča, Zinaida Mandroŭskaja, Žanna Mišur, Vasil Michno, Aleh Leŭšunoŭ, Michaił Pačynok, Alaksandr Siahodnik, Viktar Fiasak. Źviartaje na siabie ŭvahu toje, što siarod padpisantaŭ pieravažajuć nie daktary, a byłyja nastaŭniki.
Adnak biełaruskija «deputaty» nie pieršyja, chto sprabuje zabaranić enierhietyki. U śniežni 2010 hoda enierhietyčnyja napoi, jakija źmiaščajuć kafiein, byli całkam vyklučanyja z prodažu na ŭsioj terytoryi ZŠA na padstavie zaklučeńnia ŭładaŭ ab ich škodzie dla zdaroŭja.
Da niadaŭniaha času enierhietyki byli zabaronienyja ŭ Francyi. I ŭsio ž taki ŭ bolšaści krain pryznana, što lepš nie zabaraniać, a tłumačyć, jak užyvać takija napoi, kab jany nie prynieśli škody.
