Śpiecyjalisty z Oksfardskaha univiersiteta pryjšli da vysnovy, što častaje ŭžyvańnie abiazbolvajučych z supraćzapalenčym efiektam — dykłafienaku i ibuprafienu — moža pavysić ryzyku sardečnaha prystupu.
Navukoŭcy nazirali historyi chvaroby bolš čym 353 tys. pacyjentaŭ i vyjavili, što z-za takich preparataŭ na kožnuju tysiaču pacyjentaŭ prypadaje na try infarkty ŭ hod bolš, pryčym adzin ź ich pryvodzić da śmiarotnaha vyniku.
Adnak daśledčyki zapeŭnivajuć, što tym, chto ŭžyvaŭ leki niadoŭha, niama pra što turbavacca.
Navukoŭcy schilnyja aściarožna stavicca da vynikaŭ takich svaich daśledavańniaŭ. Ciažka vyznačyć, ci bolšaja častata infarktaŭ pradvyznačana pabočnymi efiektami ad pryjomu dadzienych miedykamientaŭ, ci sprava ŭ tym, što supraćzapalenčyja srodki čaściej užyvajuć asoby sa zdaroŭjem, ad pryrody słabiejšym. Mahčyma, sprava nie ŭ lekach.
0
0
0
0
0
0
