Futbolny kłub BATE i ispanskaja kampanija Joma 29 maja ŭ Minsku padpisali pahadnieńnie ab supracoŭnictvie, jakoje pačnie dziejničać na stadyi plej-of jeŭrakubkavaha cykła 2013/2014 hadoŭ.

Kantrakt raźličany na try siezony — da kanca 2016 hoda. Joma stanie techničnym sponsaram BATE, stvaryŭšy dla kłuba formu z ekskluziŭnym dyzajnam, jakaja budzie adpaviadać samym vysokim standartam jakaści. Novaja ekipiroŭka budzie vykanana ŭ zvykłaj dla BATE žoŭta-siniaj hamie.

Hienieralny dyrektar FK BATE Michaił Dziemiancevič na pres-kanfierencyi pa vynikach padpisańnia pahadnieńnia paviedamiŭ, što novuju formu atrymajuć usie kamandy, što ŭvachodziać u strukturu kłuba (asnoŭny skład, dubl, kamandy hrup padrychtoŭki).

Aprača taho, płanujecca arhanizavać prodaž majek. Pavodle słoŭ Dziemianceviča, cana budzie dastupnaja dla prostych zaŭziataraŭ.

Pradstaŭnik «Joma-Ispanija» Raman Aluchnič zaznačyŭ, što BATE źjaŭlajecca kamandaj ź vialikaj armijaj balelščykaŭ, a tamu z punkta hledžańnia markietynhu pahadnieńnie ź joju pavinna pryvieści da dobrych vynikaŭ.

Dyrektar «Joma-Biełaruś» Dźmitryj Jarmolenka zaznačyŭ, što BATE nie tolki lidar biełaruskaha futboła, ale i futbolnaj industryi krainy ŭ cełym. Pavodle jaho słoŭ, pahadnieńnie źjaŭlajecca dla Biełarusi navinkaj. «My chacieli b, kab biełaruskija kłuby nie płacili za ekipiroŭku, a atrymlivali jaje biaspłatna i navat zarablali na hetym hrošy. BATE pakazvaje, što ŭ futbole ŭ Biełarusi možna nie tolki tracić i asvojvać resursy, ale i atrymlivać prybytak», — skazaŭ jon.

Kampanija Joma była zasnavanaja ŭ 1965 hodzie, siarod jaje klijentaŭ takija kamandy, jak bielhijski «Standard», italjanskaja «Fijarencina», rumynski «Kłuž», ispanskija «Valensija» i «Chietafie», partuhalski «Naśjonał».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?