Rak toŭstaj kiški vyjšaŭ na druhoje miesca, doktar raić usim pieryjadyčna praviaracca 2

Paśla 50 hadoŭ rehularnaja kałonaskapija pavinna stać normaj, raić doktar Safija Bałzora ŭ svaim błohu ŭ miedyčnym internet-vydańniKevinmd.com.

Kałonaskapija — heta abśledavańnie toŭstaj kiški pry dapamozie videaendaskopa. Doktar vizualna vyjaŭlaje jazvy, palipy dy inšyja prablemy. Mienavita hetkija novaŭtvareńni z časam pieraradžajucca ŭ złajakasnyja. Pa vynikach kałonaskapii pry nieabchodnaści pravodzicca daśledavańnie kletak vyjaŭlenych utvareńniaŭ i prymajecca rašeńnie pra ich vydaleńnie.

Doktar Bałzora piša, što ludziam niepryjemnaja pierśpiektyva takoj pracedury. Ale raić pieraadolvać ahidu. U ZŠA rak toŭstaj kiški vyjšaŭ na druhoje miesca pa častacie siarod usich ankałahičnych zachvorvańniaŭ.

Asablivaść jaho takaja, što pieryjad pieraradžeńnia palipaŭ u toŭstaj kišcy ŭ złajakasnuju puchlinu davoli doŭhi — 7–10 hadoŭ. Kali dyjahnostyka zroblenaja svoječasova, raźvićcio chvaroby možna davoli lohka praduchilić.

Asabliva važna prachodzić kałonaskapiju tym, u kaho na rak toŭstaj kiški chvareŭ niechta ŭ rodzie.

U Minsku kałonaskapiju robiać u roznych klinikach. 1-ja, 3-ja, 9-ja, 10-ja kliničnyja balnicy, 20-ja paliklinika. Balnica chutkaj miedycynskaj dapamohi i Minski kansultacyjna-dyjahnastyčny centr akazvajuć takuju pasłuhu na płatnaj asnovie. Košt hetaj pracedury dla hramadzian Biełarusi składaje ad 95 da 270 tysiač (11–35 dalaraŭ), u zaležnaści ad aparata i ŭstanovy.

0

0

0

0

0

0

SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH