Pry budaŭnictvie biełaruskaj AES budzie vykarystoŭvacca armatura BMZ

Pry budaŭnictvie biełaruskaj AES budzie vykarystoŭvacca armatura, vyrablenaja na Biełaruskim mietałurhičnym zavodzie. Jon vyrabiŭ i adhruziŭ pieršyja partyi armatury, jakaja chutka laža ŭ asnovu biełaruskaj atamnaj stancyi.

Usiaho takoha materyjału dla AES u 2013 hodzie žłobinskija mietałurhi prakatajuć bolš jak 19 tysiač ton, što składzie 99,7% ad ahulnaj patrebnaści sioleta.

Jak paviedamiŭ pres-sakratar AAT «BMZ — kiraŭničaja kampanija chołdynhu «BMK» Alaksandr Alesik, dla patreb atamnaj elektrastancyi na BMZ buduć vyrablacca 23 roznyja armaturnyja profili troch kłasaŭ. Pry hetym kłas A400 z profilem pa Dast 5781–82 źjaŭlajecca novym dla śpiecyjalistaŭ sortaprakatnaha cechu BMZ. Niahledziačy na heta, mietał, jaki adpaviadaje ŭsim patrabavańniam, byŭ atrymany ź pieršaj prakatki i siońnia vytvorčaść armatury idzie biez zbojaŭ.

U mai staić zadača vyrabić 2.150 ton armatury dla budaŭnictva AES. Ciapier z zadańniem cech spraŭlajecca. Užo vypuščana kala 1.725 ton šaści armaturnych profilaŭ.

Pavodle słoŭ Alesika, jakaść armatury, pryznačanaj dla AES, poŭnaściu adpaviadaje Dast 5781–82. Stan 320 užo maje vopyt prakatki armatury dla budaŭnictva atamnych elektrastancyj. Tak, raniej na BMZ užo vyrablali armaturu dla Varoniežskaj AES i Smalenskaj AES.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH