Rasijski kapitał ljecca ŭ Biełaruś šyrokaj rakoj 1

Vajažy ŭ Minsk Siečyna, Hucaryjeva, Kierymava, Tracenki paćviardžajuć heta.

Pavodle dadzienych Rasstata, pa vynikach pieršaha kvartała 2013 hoda Biełaruś zaniała vośmaje miesca pa nazapašanych rasijskich inviestycyjach, u kancy 2012 hoda jana była šostaj. Ciapier jana staić za Brytanskimi Virhinskimi astravami, Niderłandami, Kipram, Šviejcaryjaj, ZŠA, Luksiemburham i Vialikabrytanijaj.

Adznačym, što niahledziačy na pamianšeńnie doli ŭ śpisie samych pryvabnych dla rasijskaha kapitału krain u paraŭnańni z kancom 2012 (z 4,9% da 3,3%), u hrašovym vyražeńni ŭ pieršym kvartale rasijskija nazapašanyja ŭkładańni ŭ biełaruskuju ekanomiku pavialičylisia ŭ čystym vyhladzie na 1 młn dalaraŭ — da 5878 młn dalaraŭ.

Pa vynikach 2012 hoda dziasiataje miesca pa abjomie nazapašanych rasijskich inviestycyj zajmała Ukraina. Ale ŭ pieršym kvartale z top-10 jaje vycieśniła Turcyja. Heta značyć, pa abjomie rasijskich inviestycyj na postsavieckaj prastory Biełaruś — № 1.

Rasstat pa vynikach kvartała zhadaŭ Biełaruś u liku lidaraŭ pa jašče adnym pakazčyku. Pavodle źviestak viedamstva, Biełaruś uvajšła ŭ trojku inviestaraŭ u rasijskuju paliŭna-enierhietyčnuju halinu. Abjom nazapašanych inviestycyj, jakija pryjšli ź Biełarusi i što zastalisia ŭ TEK Rasii pa vynikach pieršaha kvartała 2013 hoda, skłaŭ 256 młn dalaraŭ, ci 11,7% ad usiaho abjomu ŭkładańniaŭ u hetuju halinu. Vyšej byli tolki Kipr i Niderłandy.

Za hetym «inviestycyjnym praryvam», ličać ekśpierty, mohuć stajać niuansy mietadałohii, u ramkach jakoj Rasstat za «zamiežnikaŭ» ličyć daččynyja kampanii rasijskich naftahazavych chołdynhaŭ, što pracujuć na biełaruskim rynku.

0

0

0

0

0

0

ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH