Z 1 lipienia 2013 hoda na terytoryi Biełarusi budzie dziejničać elektronnaja sistema zboru płaty za prajezd BelToll. Niekatoryja katehoryi kiroŭcaŭ, jakija pieramiaščajucca transpartnym srodkam pa sietcy płatnych daroh, što ŭvachodziać u sistemu BelToll, buduć abaviazanyja ažyćciaŭlać płatu za karystańnie aŭtadarohaj u elektronnym vyhladzie.
Jak paviedamiŭ 27 maja na bryfinhu ŭ Minsku namieśnik načalnika ŭpraŭleńnia ŭtrymańnia darožnaj sietki departamienta «Biełaŭtadar» Jaŭhien Rakała, praduhledžana niekalki etapaŭ uvodu sistemy BelToll na darohach ahulnaha karystańnia.
Z 1 lipienia adbudziecca zapusk sistemy ŭ cełym ź pieralikam aŭtadaroh, na jakich źbirajecca płata — heta mahistrali M1/Je30 (Brest — Maskva), M2 (Minsk — Nacyjanalny aeraport) na ŭsim praciahu,a taksama ŭčastki daroh M3 (Minsk — Viciebsk), M4 (Minsk — Mahiloŭ), M5 (Minsk — Homiel) i M6 (Minsk — Hrodna). Nastupnym etapam — nie paźniej za 1 studzienia 2014 hoda — praduhledžvajecca ŭviadzieńnie źbirańnia płaty za prajezd na astatnich učastkach aŭtadaroh ahulnaha karystańnia.
Pavodle słoŭ Rakały, košt pieršaha etapu prajekta — 120 miljonaŭ jeŭra, płanavany termin viartańnia adkładzienych inviestycyj — try hady.
Orhanam kantrolu ŭ elektronnaj sistemie zboru płaty za prajezd BelToll vyznačana Transpartnaja inśpiekcyja (TI) Ministerstva transpartu i kamunikacyj.
Jak raskazaŭ pieršy namieśnik načalnika TI Leanid Lemieš, kantrol budzie ažyćciaŭlacca ŭ kruhłasutačnym režymie na ŭsich płatnych darohach iDla hetaha praduhledžana pieradača inviestaram na pieršym etapie 16 śpiecaŭtamabilaŭ, jakija buduć adpaviednym čynam abstalavanyja. Kantrol budzie taksama arhanizavany ŭ 15 centralnych aŭtadarožnych punktach propusku na miažy, na jakich afarmlajucca asnoŭnyja patoki mižnarodnaha transpartu. «Pierš čym vyjechać na płatnuju aŭtadarohu, — adznačyŭ Lemieš, — uładalnik ci vadziciel aŭtamabila pavinien zarehistravacca ŭ sistemie i ŭstanavić bartavuju pryładu. Biez hetaha prybora jon budzie ličyccapa-za takimi.
0
0
0
0
0
0
